O demo me leve

Folding The Blogaliza

2006-08-08T09:58:00.000+01:00

Depois dumhas semanas respirando gas especiado laranxa e coa Blogaliza fora de combate podo plegar o espaço-blogomilho e mudar o blog a http://odemo.blogaliza.org/

Obrigado a todos os que neste anos passarom polo meu blog, e agardo que continuedes passando (e comentando) na nova jeira em Blogaliza!

Um beijo!

Metabloguear metabloguearei loguinho de....

2006-08-01T15:24:00.000+01:00

Como dicia alguem, antonte (que onte nom tivem tempo de ponher o post) foi um dia muuuui denso.

Nom se me da bem escrever post deste tipo, e com "este tipo" quero dizer falando do bem que me caerom a gente da blogaliza, ponhendo ligaçom a cadanseu blog e fazendo um comentario referente a minha experiência com eles. Baste dizer que som todos uns soletes e que da gosto ter umha comunidade blogueira tam enblogada :) Guap@s todos!

E sobre o outro tema. Também guapos e mui amáveis!

O Kwisatz Haderach galego

2006-07-28T12:02:00.000+01:00

קְפִיצַת הַדֶּרֶךְ é umha palavra hebrea que significa "o caminho mais curto". Na saga de novelas de Frank Herbert Dune emprega-se essa palavra para designar a um individuo obtido meiante eugenesia e cruzes entre parelhas escolhidas polas suas habilidades e a sua carga genética durante milheiros de anos. A seita das Bene Gesserit monitoriçam durante centos de geraçons o processo para obter o seu "Mesias", que lhes dará o poder definitivo sobre o Universo.

Evidentemente eu no acredito nos heroes e penso firmentemente que a aportaçom dum so individuo nom fai rem no eido da história. Pero depois de constatar que o processo de atomizaçom dos movimentos sociais e políticos deste pais segue o seu caminho imparável, ficando as ideias das redes sociais em umha linha bonita mais que ponher nos manifestos dos grupos-associaçons-juventudes cumpre mudar de estratêgia. Um Mesias da Galegidade nom viria mal so pro probar algo novo. E como no panorama actual há muito "auto-ungido" seguro de que Castelao e Rosalia lhe tocarom a fronte umha noite na Serra do Pindo e otorgarom-lhe a missom divina de dirigir à este pais até o Edem resulta dificil escolher um dos presentes, ou pretéritos, para a labor. Coido eu que o melhor será cruzar aos mais paradigmais representantes da galeguidade, para obter altas taxas de esprito-nacional nos seus tecidos e co passo das geraçons (este nom é um problema para hoje) ter o nosso proprio "Caminho mais curto".

Como eu nom som infalível, e Galiza somos todos, quereria contar coas vossas propostas de "parelhas reproductivas" desta generaçom para ter umha base genética coa que trabalhar. Valem pessoeiros vivos, e mortos dos que se coheça o lugar de repouso, que agora as ciências som umha barbaridade e sacas o adene esse de qualquer sitio.

Os seguintes espécimes chamarom a atençom da
Confradia (Mariscadora) Espacial
e entram a formar parte do projecto:

- Angela Bugallo e Anxo Quintana: Desto sacariamos a esência do partido nacionalita no goberno.

- Elvira Souto e Camilo Nogueira (Nemtele)

- Mº Pilar Garcia Negro e Carlos Morais (Nemtele)

-Yolanda Castaño e Manolo Rivas (EMF) (Berros de milheiros de galegas histéricas: Quita as zoupas de Manolo! E meeeeeu!). O filh@ teria grandes "poderes mediáticos"

-Beiras e.... Beiras (EMF) Nesto concordo. Melhor mante-lo como "comodim" se em futuras gerançons o indice de gz_tisto decae. Ademais, é um intento de Kwisatz Haderach dos nossos antergos...

- Paco Rodriguez e Carlos Callón (Anonerrimo) . As ciência hoje fai milagres. Um esprito para protestar em Madrith e a defensa da lingua. Bem, bem.

-Ugia Rodrigues e Amancio Ortega (Outro anonimo): O Ying-Yang? Que caste de degenerados atrae esta proposta?

-Rosalia de Castro e Isaac Diaz Pardo (Suponho que outro anônimo): Para isto precisamos de muuuito trabalho de genetistas e todas as clínicas de fecundaçom artificial do pais. Pero obteriamos um artista de segunda geraçom muuuui galego. (Nota: Xornalistinha ofrece-se como útero de aluguer)

-Maria Casares e Luis Tosar : O super actor de segunda geraçom.

-Tareixa Navaza e Berto: (Anonimo): Muito artista está saindo...

-Corina Porro e Mariano Rajoy (Ghanito): Esto... bom.... dacordo... que em Dune também empregavam a carga genética dos Harkonenn...

-Beatriz Manjón e Xacobe Perez : O melhor da TVG, poderiamos infiltrar ao filho como director do ente.

-Belen Regueira (Guapa!) e Martin Pawley: Sacamos umha filha com boas capacidades de comunicaçom...

-Marina Castaño e Mendez Ferrín: (Conselho Regulador do Fedelho, enviada pola Reverenda Nai Ascarida) A minha opiniom é que Ferrín é tam isolo que poderia fecundarse a si mesmo....

-A filha de Cacharro e Superpiñeiro: (Ghanito) Seica ela tem um corpo mui galego. E ele é um chouman...

-Uxia Blanco e Xabarin (Nemtele): Oink Oink! À procura duns Profundos Galegos com pintas de porco bravo? Umha nova perpetraçom lovercraftiana com títulos "Touro sob as Tebras"? (Nota para outro post: Lovecraft por força passou por Galiza)

-Paula Vazquez e o Doutor TNT:(O Breogan) A ideia é obter alguem co frikismo de Carlos Portela e o cachondismo da Vazquez... pero e se sae ao reves?

E lembrade: O LicorKafe tem que fluir...

(Nota: A verba Kwisatz Haderach empregada-se na mitologia judia para designar um poder místico dos profetas e demais gente tocada pola divinidade: A capacidade de dobrar o espaço para ir dum sitio a outro)

Dia da Patria

2006-07-27T11:55:00.000+01:00

Nom, nom vou ponher um post do Dia da Patria. :P

(Mui jeitosos os fedelheiros em vivo!)

Garzon strikes back!

2006-07-24T10:04:00.000+01:00

Já tardava caralho! O super-juiz, que deixou à E'paÑa orfa de justiça uns messes mentres ele esparegia a sua sabedoria divinamente inspirada polo mundo adiante retorna ao cenario político-judicial-jornalístico (na avanzada democracia E'paÑola vai muito que decidirom que esses três poderes som o mesmo, para mostra a Divina Provid... este Garzón). Pois isso, que Garzão dos nossos amores remata as aulas na NYU e nada mais chegar fai notar a sua presença lembrando que ele é o árbito da vida política no Pais Basco. Que vai ser isto! Já estam os políticos pensando que mandam algo!

Pero claro, nom é dabondo. Nos velhos tempos, ele tinha costume de censu... someter ao imperio da lei aos meios que se atreviam a publicar em euskera e nom comulgar, e incluso criticar!, a divina triada garzonil-asnaril("¿Creían ustedes que no nos íbamos a atrever?" dixit)-mayororejil. Pero como agora já nom se estila isso e tivo que conformar-se com amea... informar a uns raparigos dum grupo pop que escolher "Garzón" como nome da sua formaçom nom é boa ideia. Ademais, já tem pratica em "adecuar" cousas nom-bascas.

Alé, Garzoninho, que já falta menos para o Nobel!

Fotos da Familia II

2006-07-21T12:58:00.000+01:00

Depois da tanda da minha familia paterna agora toca a da materna. Som todas fotos dos anos que passarom em Guinea, antes de emigrar a Perú.

Foto da Casa em Bata.

Meu avô Jaime na praia de Guinea.

Companheiros dos meus avos numha estrada perto de Bata.

Gente da companhia.

A minha nai e a minha avó Fina com poucos dias de vida. Janeiro de 1956, Hospital de Rio Muni.

Nota-se que era filho de pesacdor de Malpica de Bergantinhos.

A minha nai na escola. É a que mira à câmara.

Há algumhas mais no Flickr.

Vendo estas fotos penso o incrível que é que duas pessoas que nascerom e crescerom a milheiros de kilómetros de distância, um na rua da Galera (A Corunha, Galiza) e outra entre Guinea e Perú, chegaram a ter dous filhos e umha vida em comum. Que voltas da o mundo, caralho.

Fotos da Familia

2006-07-20T18:48:00.000+01:00

Para matar um pouco a tarde levo umhas horas organizado fotos dos velhos albumes de fotos. Quero scanea-las para nom perde-las. Eis algumhas das mais bonitas pola parte da familia do meu pai (outro dia as da minha nai):

A minha avó Avelina.

O meu avô Francisco.

Os dous de moços.

O bar que montou o meu avô. depois da lesom que lhe apartou do futebol. Encanta-me a mirada que tem nesta foto, magoa nom te-lo conhecido.

Esta foto e do dia depois de Reis na Rua Galera, o meu pai e um amigo.

Enterro do meu avô. Como dizia a minha avó: Com toda a gente que viu, tiverom que enterra-lo três veces.

Há umhas poucas mas no Flickr

Novo logo do PP

2006-07-19T13:56:00.000+01:00

Via Gara.

Ponte Vedra

2006-07-18T15:53:00.000+01:00

Pois já visitei a última cidade galega que nom conhecia. Contei coa melhor companha e a melhor cicerone que poderia pedir, que conseguiu que namorara da vila. Te es bien bonita Puentevedra!

(Aviso do Comando Anti-Cursi: Este post foi revisado para que o nivel de cursileria acadara niveis mínimos)

(Foto via: http://www.jtphotogallery.info/)

A Biblioteca de Babel (I)

2006-07-14T16:50:00.000+01:00

Depois de mais dum mês encerrado baixo terra na biblioteca volto com mais de um tema na cabeça para comentar no blog... que também é seguro que vos interessa nem um chisco, mais eu fico mais tranquilo :)

Por algumha razom que desconheço a meirande parte dos dias da semana podes colher dous jornais de balde na Conce: La Vanguardia e o ABC. O primeiro tem um passe, mais o segundo mete medo. Figem costume de colher o diário catalam para aforrar uns ouros durante este mês de mais gastos (e vale, colhia o outro para que certa pessoa faga os sudokus...) e sem busca-lo topei um tema interessante do que falar no blog nas suas páginas. O jornal catalam leva na sua contraportada umha entrevista diária com algum pessoeiro ou personagem digno de interés, um dia destes (magoa de nom guardar o ejemplar) cuido que vai uns dez dias, entrevistarom a umha "representante" de umha seita muito conhecida pola adesons de famosinhos e super-famosos nos últimos tempos (e nom, nom estou falando da seita católica e da reconversom da divina Nicole Kidman): a Kabbalah (Olho! Ligaçom a página dumha seita, ir com enso). Adoito a ler amodinho este tipo de entrevistas, cousa que a minha médica nom recomenda para úlcera, que caralho! Se puidem aturar a leitura do "chuche de poias mutuo" entre Gerhard Börner e Hans Küng (Que por mui crítico co Vaticano é um teista redomado que mete os fucinhos na ciência...) entrevistados por o Spektrum der Wissenschaft (e publicado na Scientific American, que supunha umha publicaçom mais ou menos seria) umha sectária mais nom pode fazer muito mal! Sorpresa desagradável quando às poucas perguntas a representante espeta umha das principais crenças da sua religiom: Toda a informaçom e a sabedoria do universo pode obter-se da interpretaçom do seu livro sagrado (Neste caso coincidente com a Thora, coido que ampliada com alguns textos), mais só se se empregam uns códigos e umha preparaçom mental que só eles conhecem, como no

O teminha da sabedoria comprimida no "livro de livros" (.zip?, .rar? .gz nom pode ser, que de trabalharem os deuses em Linux nom sairiam estas merdas de mundos) é um argumento recorrente nas religions. Mui prolíficas nessa teima som as chamadas (manda truco) "religions do livro" cristians, musulmans e os meus curmans (judeus). Estes últimos pais da Kabala histórica (Se Yosef Karo levantara a cabeça e vira no que convertem o seu engenho matemático clamava aos Bene Ha Elohim por vingança...). Todos eles argumentam, e em esto as seitas católicas levam premia a constância, que da leitura e interpretaçom dos texto sacrosantosagrados pode-se obter toda a informaçom e conhecimento sobre e do mundo. Já seja mediante a pura decodificaçom matemática/lógica/ocultista (a propria Kabala) ou umha mais "de letras" centrando-se no significado, todas coincidem em que a "obra divina" da Biblia contem o reflexo do mundo material e do espiritual nas suas páginas. E dizer, que a informaçom que representa a enormidade (que nom infinidade) da Realidade está, dalgum jeito, codificada na relativamente pequena longitude desse texto religioso. Nom paga a pena entom romper a cabeça para obter a informaçom direitamente do mundo cousa que fá a Ciência: o estudo bíblico, a decodificaçom do contido acochado por esse deus bom, permite aceder a todo isso...

Qualquera com um pouco de cultura matemática, pouco mais da que teriam os rapazolos que figerom vai uns dias a Selectividade, poderia erguer a mao agora e dizer que isso é umha parvada. Nom negaria, nosso hipotético estudante de bacharelato, que essa informaçom pode estar contida na biblia, mais o esforço necesario para "saca-la" nom compensa o tempo empregado. Pode-se comprender que os teólogos anteriores ao século ___ tiveram essa teima milenária, pero desde o nascemento da teoria da informaçom moderna argumentar esse tipo de cousas é um pouco parvo. Claro que esse "conhecemento matemático básico" nom se imparte aos estudantes de bacharelato na vida real, e se o fam é de jeito tam árido, formal e alongado destas aplicaçons que nom calhara na mente dos rapazes. Faze-lo doutro jeito seria fomentar o pensamento crítico, o racionalismo e a racionalidade e o laicismo, cousa que nom interessa a ninguem neste mundo. Pero pode que me equivoque, e que algum professor de matemáticos em algum instituto da Galiza ou do mundo contara este ano a historia da Biblioteca de Babel aos seus alunos, e por sorte esses poucos jovens tenham as ferramentas (ou armas) que precisa o mundo para luitar contra a nova época de escuridade que as religions traem sobre o mundo. E eu quero pôr o meu grão de areia e explicar-vos esta pequena "parábola" (por empregar a mesma verbas que eles) que ilumina o chamado "Teorema da complexidade algorítmica de Kolmogorov" (Com colhades medo polo nome).

A Biblioteca de Babel.

Há milheiros de anos, no reino dos Dous Rios, na cidade de Babel, onde nasceu a civilizaçom e a cultura humana e que hoje é um cemitério bombardeado e espoliado polos filhos da incultura e o ódio, governava um sábio monarca. Este rei de reitas barbas, babilónico perfil (adjectivo nunca melhor posto) e braços guerreiros tinha no seu coraçom a real obsessom de compilar na biblioteca do seu reino todos os livros, e todo o conhecimento, do mundo. Empredeu guerras, gestionou castelos de naipes diplomáticos, ameaçou, mercou, roubo e mil cousas mais só para reunir todas as obras escritas na sua época e nas passadas. Contando com que o seu povo era um dos poucos que descobrira um jeito de plasmar sobre a argela as palavras e os pensamentos que como volvoretas voavam das bocas e das mentes nom foi umha tarefa mui difícil.

Orgulhoso o rei reuniu a sua corte na biblioteca, diante dos centos de tabelas de barro cheas de apertados triangulinhos que guardavam o conhecimento de todo um mundos, e proclamou que povo de Babilonia era o mais sábio dos tempos, e que na Biblioteca de Babel estava todo o saber do mundo. Pero um personagem, destos que nom podem faltar numha historia como mandam os cânones: um juglar, rachou coa ledícia do rei. Sem cavilar muito abriu a boca e derrubou a alegria do momento:

-Pero nom está todo.

A corte, momentos antes um rebumbio de festa e felicidade patriótica, calou de súpeto. O governante, tam chocado como o resto dos aristocratas (Pero sabendo dissimilar melhor, que para isso era o rei) fitou de arriba a abaixo ao impertinente e perguntou-lhe, com esse tom cadencioso de quem pode ordear que lhe cortem o pescoço ao seu interlocutor cum aceno:

-Que queres dizer?-Que nom está todo o conhecimento do mundo.
-Nom sei se és parvo ou inconsciente, pero nom vês que aqui estam todos os livros do mundo? Que mais conhecimento há!
-Pero nom todo o conhecimento está nos livros!! Há muitas cousas que a gente sabe e nom as escreve! E há muitas cousas que agora ninguem sabe pero dentro duns anos ou duns séculos a gente conhecerá!

O rei calou. A historia nom conta que lhe passou ao juglar impertinente, pero si continua coa profunda tristeza do soberano. Deixou de comer e dormir, convencido agora que nunca passaria as páginas da historia pois os inimigos eram invatíveis! O Tempo e a Realidade formavam umha avinça contra os seus desejos de iluminaçom. Nom poderia ter agora os livros que ainda nom se escreveram! E menos aqueles nunca se escriviriam!!. Passou mês em jajum, mentres o seu cerebro cavilava em umha soluçom ao seu dilema. E um bo dia saiu da sua habitaçom com um sorriso satisfeito no demacrado rostro. Mandou reunir aos seus conselheiros e deu-lhes as seguintes ordes:

-Reunide a cada homem que saiba escrever no meu reino e encerrade-os na biblioteca. Dade a cada um gubia e tabuinha (agora diríamos papel e lapis...) e este mandado: O primeiro deles escreverá um livro de mil páginas formado só pola primeira letra do alfabeto repetido um milheiros. O segundo escrevam fará um livro igual, agás pola última letra que será a segunda do nosso alfabeto. O terceiro fará um livro como o primeiro, mais trocará o antepenúltimo símbolo polo seguinte... Assim até que chegue um momento em um deles escreva um livro com o nosso segundo símbolo ao começo do mesmo e o resto todo primeiras letras. Entom continuareis o processo, engadindo mais letras, espaços, símbolos de puntuaçom... Ao rematares teremos na nossa biblioteca todas as convinaçons possíveis das letras que formam os livros, é dizer, todos os livros que as geraçons futuras escreveram, e também aqueles que se poderiam escrever pero nom o fariam.

Ficam os membros da corte abraidos pola ideia e rapidamente o império revolucionou-se para cumprir as ordes do monarca. Recrutarom-se todos os homens disponhíveis e ampliou-se a Biblioteca para poder gardar os miles de milhons de tabuinhas que o projecto produziria, vaciarom-se as os asolagos do Tigris e o Eufrates para obter o barro precio. Ordeou-se todo como mandara o governante e os escribas começarom o seu gigantesco trabalho. Passarom os messes, e os anos, mentres milheiros de livros eram criados baixo a talha das gubias. Os bibliotecarios ordeavam volume tras volume, nada mais sair das mans dos "escritores". Depois de dez anos de trabalho a gargantuesca obra rematou: umha quantidade quase incontável de terreas páginas repossavam nos anaqueis e o rei ordeou umha festa digna de aparecer nessos mesmos livros.Alzando a sua copa no banquete o rei brindou pola consumaçom do seu sonho, pero dixo algo que sorprendeu a todos:

-Grande obra a nossa biblioteca! Pero inecesaria! - um rebumbio ascendeu polas mesas- Para que ocupar espaço com centos de livros quando todo o conhecimento do mundo pode ser resumido numhas quantas frases. Nas instrucçons que dim aos meus ministros para contruir esta maravilha da humanidade está o segredo para criar todo o conhecimento do mundo, e polo tanto elas mesmas som toda a sabedoria! O trabalho dos bibliotecarios é inútil, pois de nada serve já gardar os livros!

Passarom os dias e os messes o um dia o rei reciviu nos seus aposentos umha notinha que lhe indicava que os seus bibliotecarios toparam entre as obras futura umha deliciosa obra de teatro que escreveria um ilustre galego dentro duns miles de anos. Perguntando-se que caralho era um "galego" o rei babilónico dirigiuse à biblioteca para desfrutar do fino humor da anonimamente recomendada obra. Chegou a entrada e cum movimento da sua regia mau chamou ao bibliotecario chefe e dixo:

-Escutei falar dumha obra de teatro cómico que escreverá um tal Castelao na Galiza, quero lê-la.
-Oh! Sim! - respondeu o velho cuidador de livros, cum brilho de maldade nos olhos- falamos muito dela entre os bibliotecarios esta semana, topou-na por casualidade um dos mais novos. Indicarei-lhe como chegar: Entre voçe ao edificio do O, vaia à â do S entre na secçom do espaço, polo pasilho do V atopará o primeiro giro do E e depois a sá do L, agora terá que dobrar na esquina do H, até a habitaçom do O e continuar onde indique o S...... - o velho falou durante horas, dias, quase umha semana, sendo relevado quando nom puido mais por outro bibliotecario, até que o dézimo deles rematou de soletrear a obra completa- por último, na estanteria do F do anaquel do I colha o livro numerado coa última letra N...

O rei, que nom interrompeu o desfile de bibliotecarios dando-lhe instrucçons comprendeu entom a gralha no seu razonamento. Na suas "frases da sabedoria" estava toda a informaçom necessaria para fabricar todo o conhecimento do mundo, pero nom para topar o que um buscava... sem conhece-lo antes...
_________________________________________________

Bem, como dizia esta historia é um bo ejemplo do "Teorema da complexidade algoritmica de Kolmogorov". Simplificando ao máximo o seu enunciado podemos dizer que o tempo de transferência que aforramos comprimindo umha mensagem o perdemos codificando-a (e decodificando-a no seu objetivo). Todo o mundo comprimiu um arquivo para envia-lo por correio o por um programa P2P, fazemos isto porque a velocidade de transferência da rede é limitada e nom queremos ocupar a nossa conesom enviado esse arquivo. Pero também sabemos que comprimir o arquivo leva um tempo, descomprimi-lo outro e alguem adicou um tempo a programares e instalares o programa no nosso ordenador. Esses tempos estam direitamente relacionados coa diferença de longitude entre o arquivo original e o comprimido, a largura da rede. Ademais, quando maior e a compresom da informaçom mais "grande" tem que ser o programa que codifica e decodifica, mais datos compre ter para interpretar o arquivo.

Umha compressom tam absoluta como a do Rei de Babel (todo o conhecimento do mundo numhas poucas palavras) precisa dumha enorme quantidade de informaçom para poder emprega-la. Fai falha conhecer todo o contido do livro para poder atopa-lo na biblioteca. E nom so o titulo! Co método empregado polo rei crianse milhons de livros co mesmo títulos, algúns so divergen numha letra em toda a obra, outros cotenhem infinitude de convinaçons ao chou, e podemos topar baixo o título da peça de teatro de Castelao a "Guerra e Paz" de Dostoiesky ou umha recopilaçom de chistes de Marianico "El Corto"....

Bom! Até aquí por hoje! Outro dia mais!

Século XIX na rede...

2006-07-11T13:24:00.000+01:00

Pode parecer umha conha, pero hoje em dia há gente que para "demonstrar a existência do sobrenatural" pom como "prova" a cirurgians psiquicos. So tedes que mirar os comentarios no ultimo (e mui bo) artigo no Diario Ateista.

Randi tem poderes!

Lista de post pendentes:
-Fer cabreado com Cuatro e Friker Jimenez. E os "arqueologos psiquicos" a foder o nosso patrimonio.
-Fer, Madonna, a Kabbala e o Teorema da complejidade algoritmica de Kolmogorov.

Ibook amanhado

2006-07-09T14:44:00.000+01:00

Graças à ajuda inestimável de Gato Negro o meu ibook já vai. Shelley estaria orgulhosa...

Vergonha

2006-07-09T12:26:00.000+01:00

Ti fai méritos Juanca, ti fai méritos

Pergunta: Qual dos dous é um chefe de estado que jurou os principios dum movimento feixista e colaborou activamente com umha ditadura sanguenta?

Sorte tenhem em València...

2006-07-08T19:54:00.000+01:00

Jo no t'espere

... de poder montarlha ao Inquisidor-Papa.

Um agasalho em tempos papais

2006-07-05T17:31:00.000+01:00

Com motivo da visita do Papa-Inquisidor à península vou adicar um pouco mais de espaço neste blog (Que ninguem lê) a apostasia. Aquí tedes umha pequena entrevista a Israel Finkelstein director do Instituto de Arqueologia da Universidade de Tel Aviv. Que investigou sobre evidências arqueológicas dos feitos narrados no Pentateuco. Saiu no jornal "La Nacion" em janeiro deste ano. (Originalmente recolhido em Sindioses)

Luisa Corradini: Durante mais de vinte séculos os homens acreditarom em que Deus ditou as Escrituras a alguns sabios, profetas e grande sacerdotes israleis:

Israel Finkelstein: Assim foi. Para as autoridades religiosas, judias e cristiás Moisés era o autor do Pentateuco. Segundo o Deuteronômio o profeta escriviu-no pouco antes da sua morte, no monte Nebo. Os livros de Josué, Juízes e de Samuel eram arquivos sagrados, obtidos e conservados polo profeta Samuel no santuario de Silo, e os livros dos Reis vinham do cálamo fo profeta Jeremias. Assim David era o autor dos Salmos e Salomom dos Provérvios e do Cântico dos Cânticos

LC: Mais?

IF: Dende o século XVII, os expertos começarom a perguntar-se quem escrevera a Biblia. Moisés foi a primeira vitima dos avanços da investigaçom científica, que destapou moreas de contradiçons: Como é possível, perguntarom os especialistas, que escrevera o Pentateuco quando o Deuteronômio, o último desses cinco livros, descreve o momento e as circunstâncias da sua morte?

LC: Você afirma que o Pentateuco o escriverom numha época mais recente.

IF: A arqueologia moderna permite-nos asegurar que o núcleo histórico do Pentateuco e da historia deuteronómica forom compostos o século VII antes de Cristo. O Pentateuco foi umha criaçom da monarquia tardia do reino de Judá destinada a espareger a propaganda ideológica e as necessidades do reino. Penso que a historia deuteronómica foi coligida, durante o reino de Josias, para servir de fundamento ideológico às aspiraçons políticas e reformas religiosas concretas.

LC: Segundo a Biblia primeiro foi a viagem do patriarca Abraam de Mesopotâmia a Canaam. O relato bíblico é pródigo em informaçons cronológicas precisas.

IF: Verdade. A Biblia contem umha quantidade de informaçom que deveriam avondar para saber quando viverom os patriarcas. Nesse relato a história dos começos de Israel desenvolve-se em sequências mui ordenadas: Os Patriarcas, O Éxodo, a travessia do deserto, a conquista de Canaam, o reino dos Juízes, a monarquia... . Fazendo números Abraam teria que ter partido cara Canaam uns 2100 anos antes de Cristo.

LC: E nom é?

IF: Nom. Em dous séculos de investigaçom científica nom acharom nem umha evidência da existência dos patriarcas. A suposta migraçom de tribos da Mesopotâmia cara Canaam revelou-se ilusoria. A arqueologia moderna provou que na época nom houvo nem umha migraçom massiva na zona. O texto bíblico da indícidos que permitem precisar o momento da composiçom final do livro dos Patriarcas. Por ejemplo, a história dos Patriarcas esta chea de camelos. Mais a arqueologia revelou que o dromedário nom foi domesticado até o final do segundo milenio antes da era cristiana, e começou a ser empregado como besta de carrego em Médio Oriente até muito depois do ano 1000 A.C. Na historia de Josué falase dumha qafila que transportava "Borracha, tragacanto, bálsamo e láudano". Essa inscripçom corresponde ao comércio feito polos mercaderes árabes sob o Imperio Asírio nos séculos VIII e VII. Outro feito anacrónico é a primeira apariçom dos Filisteus no lelato, quando Isaac atopa a Abimelech, rei dos filisteus. Esses filisteus -grupo migratorio do Mar Egeo ou de Asia Menor- establecerom-se no planalto litoral do Canaam a partires do 1200 A.C. Esses e outros detalhes provam que os textos forom escritos entre os séculos VIII e VII A.C.

LC: O heroísmo de Moisés contra o Faraó, as dez pragas de Egipto, e o êxodo dos israelitas cara Canaam som alguns dos episódios mais dramáticos da Biblia. Também som lendas?

IF: Segundo a Biblia, os descendentes do Patriarca Jacob ficarom 430 anos em Egipto antes de começar o seu êxodo cara a Terra Prometida, guiados por Moisés, a meiados do século XV a.C. Outra possivilidade é que essa viagem sucedera dous séculos depois. Os textos sagrados dim que 600.000 hebreus passarom o Mar Vermelho e vaguearom durante 40 anos polo desertos antes de chegar ao monte Sinaí, onde Moisés selou a avinça do seu povo com o seu deus. Porém os arquivos egipcios que registram todos os acontecimentos do reino faraónico, nom conservam nem um traço dumha presença judaica de mais de quatro séculos. Tampouco exisitam, em essas datas, muitos dos sitios citados no relato. as cidades de Pitom e Ramsés, que disque forom construidas polos hebreus, nom existiam no século XV a.C. A lenda do Êxodo nom resiste a analise científica.

LC: Como é isso?

IF: Porque, dende o século XVI a.C, Egipto construira no territorio citado pola biblia umha chea de empraçamentos militares, muito organizados e equipados, que espreitavam os passos das zonas da fronteira e da costa. Nom escapava rem ao seu contro, dende o litoral oriental do Nilo até Canaam. Perto de dous milhons de israelitas fugindo polo deserto durante 40 anos por força chamariam um pouco a atençom. Porém, nem umha estela da época fai referência a essa gente. Tampouco recolhem as grandes batalhas mencionadas nos textos sagrados. A fachendosa Jerico, cojos muros derruvarom as trompetas dos hebreus, era por aquelas umha pobre aldeia. Tampouco existiam muitros outros sitios notáveis, como Bersheba ou Edom. Nom havia nem um rei em Edom para luitar contra os israelitas. Esses sitios existirom, pero umha chea de tempo depois da criaçom do reino de Judá. Sequer há traças dessa gente depois de 40 anos de peregrinaçom. Coa tecnicas actuais somos quem de topar rastros de minusculas vilas de 40 ou 50 pessoas. Ou essa gente nom parou nunca a comer e durmir em 40 anos ou numca passarom polo deserto.

LC: Pero entom, se esses primeiros israelitas eram de Canaam, Como identifica-los?

IF: Os povos disponhem de muitos jeitos de afirmares a sua etnicidade: a lingua, a religiom, a forma de vester, os ritos funerarios, os tabus alimentarios. Nesta investigaçom nom há um sinal revelador e claro nesses campos. Há, isso sim, um detalhe mui interesante sobre as costumes alimentarias: em nem um povo israelita forom exumados ossos de porco. Nessa época os proto-israelítas eram o único povo que nom comia porco.

LC: No século X a.C as tribos de Israel agregárom-se numha monarquia unificada - o reino de Judá- baixo o aegis do rei David. David e o seu filho, Salomom, forom um modelo para as monarquias de Occidente. Tampouco eles eram o que sempre creimos?

IF: Neste caso tampouco a arqueologia foi quem de atopar provas do imperio do que fala a Biblia, nem nos arquivos egipcios, nem no subsolo palestiniano. David, herdeiro do primeiro rei, Saúl, probávelmente existiu entre o 1010 e o 970 a.C. Umha única estila atopada no santuario de Tel Dan, no norte de Palestina, fala "Da casa de David". Mais nada prova de fora o conquistador do que fala as Escrituras, quem de derrotar a Goliat. É incerto que David fora quem empreder conquistas militares a mais dum dia de caminhada dende Judá. A Jerusalem daquelas, escolhida polo monarca como capital, erá umha vila pequena, arrodeada de aldeias pouco habitadas. U-la gente para recrutar os soldados? U-la riqueza para arma-los? Como ocnservaria um imperio desde o Mar Vermelho até Siria? Salomom, edificador do Templo e do paó de Samaria, provávelmemte Salomón edificador do Templo e do paço de Samaria é o único pessoagem glorioso mais ou menos real na Biblia.

LC: E de onde sairom as fabulosas cortes para 400.000 cabalos, cujos restros si forom atopados?

IF: Eram criadeiros instalados no Sul polo reino de Israel, varios dezenios mais tarde. Depois da morte de Salomom, contra o 933 a.C., as tribos do norte de Palestina separarom-se do reino de Judá e criarom o Reino de Israel. Este reino, em contra do que diz a Biblia, desenvolveuse e medrou económica e políticamente.Os textos sagrados falam de tribos do Norte apoucadas, pecanhentas e idólatras. Porém, a arqueologia da-nos bos argumentos para crer que o Reino de Judá foi sempre a mais pobre, com menos povoaçom, rustica e com menos poder político. So quando o Reino de Israel caeo perante o Imperio Asírio, que deportou a Babilonia aos israelitas e instalou aos seus colonos nas fertiles terras conquistadas, acadou Judá umha prosperidade relativa.

LC: Foi entom durante o Reino de Josias em Judá quando criarom a ideia desse texto que se transformaria no piar da nossa civilizaçom e origem do monoteismo?

IF: Cara o fim do século VII a.C xurdiu em Judá um coalho espiritual único ligado a umha agitaçom política mui forte. Umha "comisom" heterogénea de funcionarios da corte seria a responsável de criar umha saga épica construida sobre a colecçom de relatos históricos, lendas, contos, pedicçons e poemas antigos. Essa obra mestra da literatura -metade composiçom original, metade adaptaçom de versons anteriores- sufriu milheiros de ajustes e modificaçons antes de server de fundamento espiritual aos filhos do povo de Judá e a inumeráveis comunidades em todo o mundo.

O melhor de cada casa

2006-07-05T09:38:00.000+01:00

Homófobos, xenófobos, instigadores do odio, encubridores de pederastas, pederastas propriamente, mentirans que codenam a morte a milhons de pessoas... e diante de todos um inquisidor nazi. Vamos! A melhor companha do mundo! Correndo todos a València cos nenos!

AAAAIIIIEEEEE!

2006-07-04T20:48:00.000+01:00

Mais de dous messes sem jogar.... Aaaaarg! Morro por umha partida! Estou tam desesperado que admitiria umha de Mdt! Incluso de Fanhunter!

Quero jogar a Star Wars!
Quero jogar a Akelarre!
Quero jogar a D&D!
Quero jogar a Anima!

AAAAIIIIEEEE!

Mistérios do leite

2006-07-03T22:06:00.000+01:00

Depois da imolaçom dos subcomediantes da Va-Ca ficam sem responder muitas perguntas sobre a realidade e a irrealidade galega, e o leite autóctone (bom e mau) perde um baluarte. Era singelo pre-ver que a falha dessas luces de occdente criaria inquendanças e perguntas no blogomilho. As senhoritas Oko e Madeleine (aka Arzak e Arola) questionam-me sobre certos fenómenos misteriosos relacionados co branco froito das vacas:

Pergunta a senhorita Madeleine o porque do estático comportamento dos O.F.N.I. (Objectos flutuantes nom identificados). A experiência que a nossa hitchockiana blogueira observou, e que constatei hoje no almorço, foi que um objecto aboiando no leite fica relativamente alheo dos giros dados polo continente (taça, copo, ou copa). A resposta ao enigma e tam singela como complicada: Os fluidos, como o leite, tenhem umha dinâmica (Parte da mecânica que estuda as relaçons entre os movimentos e as forças que se produzem) bem curiosa, e independente dos corpos que os contenhem. O líquido do interior dum recipiente nom gira a mesma velocidade que o recipiente, nem se desplaça do mesmo jeito: Provade a abanear um caldeiro com auga em varias direcçons, veredes as ondas que forma e que rápidamente perde relaçom cos movimentos que lhe estades a transmitir vós. Mais cousas: os fluidos tenhem certas caracteristicas, como a viscosidade, que podem explicar mui bem esse fenómeno. Ademais, existe umha cousa chamada tensom superficial que cria umha capa "exotica" que se mantem mui estável em certas bandas de perturbaçom.

A pergunta da senhorita Oko e muito mais singela, e refire-se a repentina "repulsom" que sofrem os O.F.N.I.s quando introducimos umha culher no leite. Qualquera que vira afundir um barco no mar pode explica-lo: A agua (ou o leite) desprazado pola culher (ou polo barco) ao afundires emerge ao seu redor, criando ondas que partem da mesma. Realmente o fenómeno nom é tam linear: Existe certa distância dende o corpo afundinte em que as forças de marea criadas pola velocidade de inmersom arrastram aos corpos que se atopam mais perto. Assim, quando afunde um barco grande as cousas (gente) que aboiam a uns poucos metros som arrastradas um certo tempo cara o fondo.

(Uf, este post leva mais de um mês apodrecendo para ser editado, perdoade por tardar tanto)

Mais cousas sobre o leite:
- Fotos preciosas com pingas de leite
- Leite na wikipedia
- Leite passada
- Frases sobre o leite

Mudança

2006-07-02T17:53:00.000+01:00

Hoje tocou deixar o lombo baixando caixas e bolsas, e aquelar um pouquinho o piso para poder recuperar a fiança (e colher um cabreo monumental cos meus ex-companheiros, que fugirom deixando o piso feito umha merda). Sorte que por algumha razom, coido que genética, a minha familia posue umha predispossiçom mental para trabalhar em grupo e quando mais de três de nós limpamos um lugar actuamos como umha mente colmeia. (Resistance is futile! You will be assimilated!)

Já tenho umha post científico para a "nova jeira" do blog. E para fazer boca: Que tenhem em comum Madonna, o Winzip e a Astronomia?

(Que saque de que vai o proximo post convido-o a tomar algo :P)

Mirando o ceu...

2006-06-28T08:34:00.000+01:00

A sexta 30 de xunho, se nom caem chuços, estaremos na Rua de Sam Pedro de Santiago de Compostela -na praça que hai diante da igreja- a partires das 21.30 para montar telescopios e observar o ceu. A Lua, Júpiter e um passo especial da Estaçom Espacial Internacional (ISS) por riba do barrio estam dentro do programa. O barrio está em festas estes dias e esta é umha actividade máis da larga oferta que este ano preparou a Comissom. Se queres ver o interesante programa das festas preme aqui. Tes telescopio ou prismáticos na casa? Queres saber que se pode ver no ceo de vrao dende a tua rua? Participa co, nós!

Astronomia na beirarrua!

(Este blog adoita "Mirar ao chau", pero por umha vez miraremos ao ceu!)

Na procura dum fogar...

2006-06-24T15:12:00.000+01:00

No meu reducido mundo deste último mês e meio (é dizer biblioteca - casa - eroski - casa - biblioteca) aproveito as viagens para fixar anuncios de pisos para aluguer, que ante a diaspora imposta aos membros do quinteto da morte tenho que procurar um novo fogar para o vindeiro curso. E ou muito mudam as cousas para o mês ou vexo-me emulando a Tony Curtis e Jack Lemon em "Com saias e a rachar" (sic) ("Some Like it Hot"/"Quanto mais quente melhor") para topar um pisinho... A meirande parte som só "Para mulheres" "Chicas" e nos casos mais naftalínicos "SeÑoritas responsables". Agora que tanto falam os políticos da Xunta de incluir umha "taxa feminína" nos conselhos das empresas... Eu quero umha lei de paridade na oferta de pisos para estudantes!

Mentres agardo por ela... que pensades? Melhor saia ou saia-pantalom?...

(E agora volto ao meu:
"Seja f(n) umha funçom bijectiva cujo domínio é Z+ e cujo percorrido é Z+. Polo teorema de Bolzanno e o criterio de Cauchy podemos afirmar que....")

Corta o pelo "mi ninho"...

2006-06-20T08:49:00.000+01:00

I'm still standing yeah yeah yeah
I'm still standing yeah yeah yeah

-Sir Elton John "I'm still Standing"

Sigo vivo, e cagando-me no ghicho das grenhas de mais arriba. Pola sua culpa passarei outros dez dias baixo terra. Mentres, beijinhos a todos e a promesa de que para o mês estarei de volta...

Jo no t'espere!

2006-05-28T17:46:00.000+01:00

Assinar o manifesto

Proud to be friki

2006-05-27T12:45:00.000+01:00

Cum pouco de retraso reivindico o meu frikismo. E mais, aporto datos:
55.9945504 % no frikitest!

GC/ED/FA/H/IT/LS/L/M/MU/P/S/SS/U d-- s-:() a-- C++ UL++ P@ L++ E() W++N@ o@ K--@ w--- O-(-) M+(+) V PS++ PE-- Y+ PGP+ t+ 5+++ X+++ R++ tv+(+++) b+++ DI() D+ G+++ e++ h() r++ y++

Stress

2006-05-25T22:00:00.000+01:00

Sim, já sei, que levo muito tempo sem publicar rem. Pero é umha tempada um pouco difícil para os estudantes. Suponho que algo ponherei neste mês de stress examinatorio, pero nom prometo nada.

(E sim, hoje é o dia do Orgulho Friki e nom tenho nada friki que ponher. Que dura é a vida)

We are de winners!!

2006-05-20T16:02:00.000+01:00

Nom sei se hoje poderei ve-lo pero dado a febre no Blogomilho (e no fedelho) por Eurovisom eis os meus candidatos:

-Ganhadores morais (e em qualidade musical): Lordi por Finlândia

-Ganhadora do meu coraçom, ou das hormonas (quecousamaisbonitademulher): por Ucrânia

-Ganhador de esgalhar co riso: Lituânia We are the Winners!

Dias das Letras...

2006-05-17T14:09:00.000+01:00

... eu som de ciências.

Conversa

2006-05-11T21:26:00.000+01:00

Experiência Michelson-Morris 3
Originally uploaded by tawilgz.

(Ergue-se o telom, um físico anónimo numha perruqueria. A perruqueira à sua labor)

-¿Y tú que estudias?
-Física...
-Te gusta el deporte entonces...
-Sim...
-¿Y cuando te presentas al examen de INEF?
(...)

(Baixo o telom)

Globalizaçom

2006-05-09T19:07:00.000+01:00

Broa

+

Huancaina

Kiko Novoa fala da globalizaçom nas ruas da Suécia... e eu da comida na minha casa. Galiza e Perú ligados polas herdança culinaria da minha nai...

O meu avô

2006-05-07T09:55:00.000+01:00

Já sei que é dia da nai e que cumpre fazer um post homenageando a essa gram mulher que tenho a sorte de ter como progenitora. Mais vou-no deixar para o dia do seu aniversario, que isto da Dia da Nai e umha perralhada comercial e consumista (O que nom quita que lhe mercara algo :P ).

Hoje queria fazer umha homenagem a outra pessoa da minha familia. É umha pessoa da que nom tenho lembranças, pois morreu quince a nos antes de que eu nascera, pero a minha familia mantivo a sua memoria sempre presente . É o meu avô paterno. Francisco "Paco" Trigo.

A cousa é que onte à meia noite o meu pai e mais eu miráramos um capítulo de Expediente X no DVD, quando rematou pugemos a tele na TVG para ver o resumo da jornada. No meio do programa, centrado no Barça, emitirom umha entrevista cum dos jogadores míticos desta equipa e também do futbol espanhol (sic), Luis Suarez. Ao ve-lo meu pai comentou, de passada, que ele tinha a sua primeira ficha, no Fabril (daquela Deportivo B). Num momentinho buscou o cartafol onde arquiva toda a "historia desportiva" da familia e sacou-na:

E que fai a primeira ficha deste jogador de fama mundial, o primeiro e único galego que ganhou a Bota d'Ouro, jogador destacado na historia do Barça e do Inter de Milao, no album da minha familia? Pois porque o "desporte rei" tem umha boa déveda co meu finado avô, sendo ele quem o "fichou" para o Deportivo. Meu avô foi goleiro do Depor dende a tempada 32-33, sustituindo ao histórico Rodrigo baixo os paus:

Foi umguarda-redes escepcional, como lembrava um artigo na sua morte:

En mi vida conocí a alguien más ágil. Acaso Isido, muy anterior, pero nadie más. ¿Recuerdas la cabriola e Paulino Uzcudum cuando venció a Harry Wills, pasada por la tele? Pues eso lo hacía Paco Trigo tomando un bocadillo y con corbata. Y como persona, dios te de un apr te amigos tan leales como él, y que no te de dos millones de pesetas

Depois fichou para o Santander, em primeira daquela, onde jogou muitos anos, até que umha entrada mui mala de Unamuno, do At. Bilbao, arrincou-lhe um ril por dentro e tivo que ser operado. Depois disso deijou de jogar. Foi umha magoa, pois estava no melhor da sua carreira, com possíveis ofertas do Madrid. Abriu um bar na rua da Galera, em A Corunha, onde os jogadores de todos os clubes que visitavam a didade passavam a tomar algo. Para a lembrança quedam a sua agilidade e a sua qualidade como pessoa.

Agora está no mercado um livro, "Heroes de los dos bandos", que relata historias de altruismo na Guerra Civil, por riva da filiaçom dos protagonistas. Meu avó converteu-se em protagonista dumha dessas histórias sem busca-lo. Umha noite ele e os seus amigos de plantilha estavam de foliada nos locais do Orçam (Qual Beckman e Ronaldo de començos de século XX :P ) quando um comando de falangistas entrou no cabaret. Confundirom ao meu avó cum dos "Hermanos de la lejia" (Oito irmans corunhesês, entre eles Babel Garcia jogador do Depor que ourinhou burlonamente diante do pelotom que o tinha que fusilar, que personificarom a pouca resistência e esta cidade puxo às tropas franquistas) e sacaro-no fora para "pasearlo". A Fortuna acompanhou-no essa noite pois Hilario Marrero, jogador do Madrid, estava também de "festa" polos locais e os falangistas ao velo correrom pedir-lhe que lhes assinara autógrafos. Marrero reconheceu as intencions dos fascistas e interpelou-nos, perguntándo-lhes que faciam com Paco Trigo, gram jogador. A parelha de falangistas, ante essa indeitifacaçom "esculpatoria" confesarom alegremente que tinham intençom de "pasearlo" pero já que nom era o que buscavam podia marchar...

Passando páginas no album topei com outra imagem, que cos tempos de selecçons nacionais (de verdade) que levamos calha mui bem:

Som fotos do meu tio Paco, como o seu pai, na equipa nacional de atletismo (daquela "Seleccion Regional Gallega"). O homem colheu o relevo do meu avo, sendo jogador do Celta e do Depor nos sesenta, antes de emigrar aos EEUU. Igual que todos os seus irmans, atletistas, jogadores de futbol ou baloncesto (como meu pai) de mais ou menos sona local. Semelha que os Trigo levam o "gene desportivo" e que eu som filho do leiteiro...

E falando de leite.. tenho quase remata as explicaçons as perguntas formuladas com #### leite polas senhoritas Oko e Madeleine, nus dias o publico.

Borbulhinhas...

2006-05-04T19:41:00.000+01:00

Sempre é agradavel quedar com umha pessoa que queres tanto e vai meses que nom vias. Hoje convidei coa gaiteira (Umha das poucas pessoas quem de estar sexy em traje de cotio... nom te alporices...) a contar-nos as desgraças e as alegrias desta tempada. Também topei co Gato (Que me digo que coa barba pareco-me a um pessoeiro... o que se lhe admite aos amigos..) e fijo-me babejar com um video da nova XGL..

Noutra orde de cousas, tenho umha pergunta de ciência dando voltas à minha cabecinha inqueda. Levo umha semana tentando resolver umha questom plantexada polo meu pai o sabado: Qual é a razom de que a tónica forme mais escuma quando há gelo no recipiente no que a verteres? Devo-lhe umha tónica, um café ou outra consumiçom, a quem tope umha soluçom.
Nota 1: Já o comprovei, é verdade.
Nota 2: Nom, nom é que a menor temperatura menor soluvilidade... o CO2 dilue-se pior a maior temperatura....

P.S.: E já vam dous meses maravilhosos...

Escolha impossível...

2006-05-03T20:28:00.000+01:00

(Visto hoje na Feira do Livro de Sant Jackes D.C)

Conjura de ladróns...

2006-05-03T12:37:00.000+01:00

Nom tenho muito tempo de actualizar o blog, dous cousinhas ceptistas para hoje, Umha protesta e um pouco de humor:

Protestando: Segundo informa Círculo Escéptico o vindeiro 29 de abril celebra-se em Tenerife o "II Congreso Nacional de Homeopatía". Nom seria mais que umha juntança de curandeiros e timadores mais se a nossa ministra de Sanidade nom aceitasse ser membro do "Comite de Honra". É umha vergonha que Elena Salgado (como ministra, como pessoa pode fazer o que lhe saia da carteira ministerial), reponsável da saude de todos, dea cobertura oficial a esse tipo de prácticas supersticiosas e alonxadas da verdadeira medicina. Se queres assinar umha carta de protesto podes faze-lo aquí.

E para rir um pouco, El Gran Wyoming fazendo burla do impresentável de Friker Jimenez (Tito-tatim-tatim-tatim!):

Falando doutra cousa, buscando informaçom para ligar algo de Elena Salgado topei coa sua referência na Wikipedia em castelhano e vexo que seguem empregando os nomes franquistas "Orense" "La Coruña". Já vai dum ano que deixei de colaborar coa Wikipedia em castelhano (Em artigos sobre Matemáticas e Física) por essa política ridicula de empregar toponimos inexistentes. Agora tenhem fechada a ediçom desses artigos para evitar "vandalismo"... brrrr...

Pesadelo

2006-05-01T13:31:00.000+01:00

(Para algumhas sonho húmido...)

Red Linux

2006-04-29T21:04:00.000+01:00

Nom, se já dicia eu...
E segundo o que di esta rapaza andar cumha Debian num Ibook*, coma un servidor, é de perigosos "rojos" terroristas, que pirateam a Disney, colaboram con juakers chineses e querem destruir américa desde dentro...

(Lido originalmente em Estrelanegra)

*Boniiiiiiito (Fer babexa...)

"O Gran Sushi"

2006-04-27T23:01:00.000+01:00

No meu piso estamos dispostos a todo por topar com os capitulos de esta maravilhosa serie que no seu tempo botaram na TVG. Edonkey, Bitorrent, Video-club, Youtube... todo foi inutil!

Triste Nova, Nova Triste

2006-04-26T12:58:00.000+01:00

Depois de quatro anos descolonizando as mentes zombicas galegas a VA-CA deixa-nos. Umha dessas novas que nom gostas de escoitar nunca.

Uuuuubrigado por estos quatro anos Sub-comediantes!
A semente prenderá!

(Os cientificos já trabalhamos para conservaçom do seu legado)

E ti qual levas?

2006-04-25T19:38:00.000+01:00

Antonte foi o Dia do Livro. Muitos aproveitamos para agasalha-los a quenes mais nos importam, e para mercar alguns para nós. Hoje decatei-me de que levo quatro livros no bolso, três que estou a ler e um que quero dar a alguem:

"Tic-Tac" de Suso de Toro

"Breakfast at Tiffany's" de Truman Capote

"Les objets Fractals" de Benoît Mendelbrot

"O bosque dos raposos aforcados" de Arto Paasilinna

E ti qual levas?

25 de Abril

2006-04-25T11:27:00.000+01:00

Grândola, vila morena
Terra da fraternidade
O povo é quem mais ordena
Dentro de ti, ó cidade

Dentro de ti, ó cidade
O povo é quem mais ordena
Terra da fraternidade
Grândola, vila morena

Em cada esquina um amigo
Em cada rosto igualdade
Grândola, vila morena
Terra da fraternidade

Terra da fraternidade
Grândola, vila morena
Em cada rosto igualdade
O povo é quem mais ordena

À sombra duma azinheira
Que já não sabia a idade
Jurei ter por companheira
Grândola a tua vontade

Co trabalho que tenho melhor homenagem nom podo fazer ao 25 de Abril.
Versons no De Sons..

(Maravilhosa a ceia donte )

Tremor nacionalista

2006-04-24T11:58:00.000+01:00

Sugestiva a simbologia escolhida polo Ministerio de Fomento

Пролетарии всех стран, соединяйтесь!

Umha palavra brilhante!

2006-04-23T14:21:00.000+01:00

Vaga-lume

Segundo a votaçom feita no blog de Francisco Castro está é a palavra mais bonita do galego.

Eu no seu momento pugera chorima, brêtema, ledícia e caluga. Pero está é mui bonita, sinte-se bem na boca, e representa toda musicalidade da nossa lingua. E também representa umha oportunidade para falar um pouco de Ciência! :)

A caraterística mais rechamante dos vaga-lumes (ou luce-cus, caga-lumes, vaca-lume...) é a sua bioluminiscência (chiste malo). Nas noites do verão estes insectos da orde dos coleópteros iluminam o ceo e as arvres co seu resplandor verde-azulado. Este fenómeno nom é raro na natureza: Na vida marinha está tremendamente extendida: algas, polvos, crustaceos, luras, mexilhons, ouriços, corais, e alguns peixes; em terra é mais raro pero há muitos artropodes (como o genero Lapyris ao que pertencem os vaga-lumes), minhocas e cogumelos que o empregam.

A origem química desta luminosidade é mui semelhante em todas as especies, umha mostra de evoluçom convergente para solucionar distintos problemas de supervivência (reproducçom, camufragem, caça...). Umha serie de pigmentos chamados genericamente luciferine, e dos que se conhezem ate cinco tipos diferentes, oxidam-se em presênça da enzima luciferase o calcio e o ATP para emitir luz. O processo é o seguinte: A luciferine "pega-se" a superficie da luciferase e convina-se co ATP, producindo adenilato luciferil, que é oxidado polo oxigeno. É um processo muito eficiente, no que quaseo o 90% da energia emite-se em forma de luz, e só um 10% em forma de calor; comparade com uma bombilha comum no que 90% pérde-se quecendo. Aquí tedes um pouco mais de informaçom sobre a química da bioluminiscência.

Algumhas curiosidades dos vaga-lumes e da bioluminiscência:

-Um fenómeno nom observado na Galiza, mais comum nos Tropicos (Americano e Asiático) é a uniom de centos e miles de luce-cus numha mesma bandada que acompassa as suas emissons. Os bechos galegos parecem mais independentes.

-Os caga-lumes podem controlar a sua luminiscência do mesmo jeito que nós respiramos. O processo precisa de oxigeno, que chega aos organos luminiscentea polo sistema de traqueas, que pode pechar a vontade.

-Na meirande parte das especies é o macho o que emite luz, as femias adoitam ser mais discretas. O genero Photinus carateriza-se polos seus complicados patrones de luzes, cos que tenam impresionar às hembras (Hum, insectos tuneros?)

-Algumhas das larvas destos bechos também som luminiscentes. Elas nom podem controlar o processo, assím que brilham sempre. Isto pode parecer um gasto mui grande de energia, embora compensa: A meirande parte dos animais interpretam essa luz como o avisso de que a sua possível comida é velenosa (certo na meirande parte dos casos).

-Os antigos chineses capturavam vaga-lumes e os metiam em lampadas de papel para alumear nas noites. Durante varias dinastias acostumarom a fabricar "jogos nocturnos" nos que liveravam centos de luce-cus nos jardins Imperiais, os invitados os cazavam em equipas.

-Cumpre nom confundir bioluminiscência, fosforescência e fluerescência. Os três som fenómenos de luminiscência: luz sem producçom de calor. Outro día teremos tempo para explicar melhor os outros dous.

Outro dia mais.

Mil beijos!
(Bico-beijo também é umha palavra bonita)

Se pica sanica

2006-04-21T16:39:00.000+01:00

Uns dias atrás no meu piso deu-se umha situaçom que me leva a escrever sobre a auga oxigenada.

Preparando a jantar um dos meus companheiros de fatigas tivo um "cortante accidente" cumha lata de bonito (Sim, quando nom cocinho eu a dieta deriva cara o "menu do estudante") e entre muito sangue outro companheiro achegou-se ao botiquim por um desinfectante. O proto-farmaceutico pediu-lhe que colhera o bote da auga oxigenada, e cos nervos do sanguinhento percance nom parou a ler as etiquetas, a sua resposta foi: Há dous, qual de eles é? O de plastico branco ou o trasparente?

Se o meu amigo estivera mais afeito a tratar con desinfectantes ou conhecera as propriedades do Peroxido de Hidrogeno (a auga oxigenada) inmediatamente poderia reconhecer que esse produto sempre se armacena em recipientes opacos pois degrada mui rapidamente em presência de luz.

A auga oxigenada, de nome químico peroxido de oxigeno, e umha sustancia oxidante cujas moléculas contenhem dous átomos de oxigeno e dous de hidrogeno: H2O2. Sem entrar em disquisiçons químicas chega com saber que esse "oxigeno de mais" (Em realidade o radical peroxi -R-OO-R-) sobre a fórmula da auga fai aos peroxidos muito inestáveis, tende a romper a sua ligaçom oxigeno-oxigeno e formar "radicais livres" (Cona!, como nos sindicatos de estudantes :P) que decontado reagem co meio. E umha reacçom exotérmica, desprende muita energia.

Descobriu-no em 1818 o químico francês Louis Jacques Thénard ao trabalhar co peroxido de bario. Thérnard já era conhecido dende mui jovem por ter descuverto em 1799 o tingura azul cobalto que leva o seu nome e que ainda hoje emprega-se na industria da porcelana e o seu achado tivo ceda aplicaçom. Empregouse no branqueado das teas e em diferentes processos industriais. Mais a sua inestavilidade fazia dificil o seu emprego: A mais pequena traça de ions metálicos (ferro, manganeso) ou partículas orgánicas fai que o H2O2 descomponha-se em auga. Os metais actuam como catalisadores, e dizer, que propiciam as reacçons mais depois seguem actuando: Umha soa partícula de catalisador pode desbotar centos de moléculas de peroxido. A materia orgánica contem catálase, umha das enzimas mais comuns nos animais; é umha oxidoreductasa, e dizer actua em processos Redox da vida. E muito importante para os seres vivos, que producem umha quantidade considerável de peroxido de oxigeno no seu metabolismo que pode resultar mui toxico. Umha soa molécula de catálase pode desbotar 50.000 moléculas de peroxido num segundo, quando partilha com a glutatom-perosídase pode chegar às 200.000 moléculas. Esta efectividade é imprescindível, um só aniom hiper-oxido (O2-) pode fazer muito dano ao metabolismo neuronal. Uns orgánulos especiais das células, os peroxissomas, empregam as catálases para limpar alguns produtos tóxicos. Pero nom temades! A auga oxigenada é praticamente inocua nas concentraçons empregadas no fogar. Podedes fazer umha experiência na vossa cocinha para comprovar a eficiência da catálase: Colhede um copo de cristal e botade um pouco de auga oxigenada, engadide um chisco de carne crua picada (e fresca), podedes observar o que acontece, e incluso notar como aumenta a sua temperatura. Aquí tedes umha demostraçom do exotermica que pode ser a reacçom de peroxido muito concentrado com o coiro (57442 KB ).

Volvendo à historia do peroxido: No 1873 melhorouse o proceso de armacenagem e fabricaçom e escomezou a sua comercializaçom em Berlim. Porém, tinha que ser empregado em poucos dias . Em umha semana a metade do H2O2 já era auga e hidrógeno, e perdera a meirande parte das suas propriedades. Já na primeira década do século XX implementou-se um método de producçom eletroquímico, mais a sua caducidade era de umhas duas semanas. Já daquela o peroxido tinha aplicaçons higienicas e cosméticas (branqueado do cabelo e dos dentes) em concentraçons do 5%. Muitras fabricas de teas tinham ao carom umha fabrica de peroxido para branquear a lá e outros tecidos, em concentraçons do trinta per cento. Cara 1930 os tanques de aceiro inoxidavel permitiam conserva-lo quatro semanas e transporta-lo.

O III Reich e a II Guerra Mundial disparou a demanda do H2O2. E nom como anti-séptico, se nom como material bélico. A teima alemana com bombardear Londres dende o continente levou por diante miles de vidas pero também acelerou, mal que nos pese, a aerodinámica e plantou as sementes da futura carreira espacial. Os Vergeltungswaffe ("Armas da Vingança") empregados polos nazis para sementar o terror e a morte povoarom os pesadelos do meio continente. O primerio, o V1,nom era mais que umha bomba voante, pai dos misseis, e o V2 (também Aggregat 4), antecedente dos foguetes espaciais empregava um sistema complexo de combustível líquido. Ambos precisavam de grandes quantidades de auga oxigenada, e a concentraçons superiores ao oitenta per cento.Transporta-las dende as fábricas do interior do Reich chara a costa da França obrigarom a desenhar novos métodos de fabricaçom e armacenagem. A antraquinona foi a soluçom: outro catalisador que sometido primeiro ao efeito do H2 e depois ao do O2 produze auga oxigena. O método é tam eficaz que hoje em dia é o mais extendido.

Cara o final da Guerra umha nova geraçom de avions-foguetes que empregavam H2O2 foi investigada, mais nunca chegou a aplicar-se em bataias reais. Os Messerschmitt Me 163 (Mitsubishi J8M nas provas em Japom) ou Komet eram verdadeiros foguetes pilotados que alcazavam os 1000 Km/h.

Rematada a Guerra o peroxido empregou-se no mundo civil dum jeito menos dramático. Branqueadura de tecidos ou materiais como o marfil e a madeira e o papel, fabricaçom de plásticos e uso médico. Hoje a produçom mundial é de uns 2,3 milhons de toneladas, a metade delas empregadas na industria papeleira. À auga oxigenada de uso doméstico engeda-se-lhe estavilizantes como o Timol para que perdure mais tempo.

Mais, Como actua a auga oxigenada na desinfecçom? Como já se dixo é um oxidante que livera radicais livres sobre os microbios. Agás o alcool e o hipoclorito há poucas cousas mais efectivas! Os radicais unem-se ás moléculas estructurais da bacteria/virus/fungo e destruem-nas por completo. Quimicamente é como se as queimásemos cum soplete . Nom tem mais segredo. O peroxido reage também coa nossa pele e sangue, mais o dano é minimo e na meirande parte dos casos é so tecido que já morrería a consequência do trauma ou o corte. Desse proceso de oxidaçom provem a sensaçom de pruido e ao H2 liverado a escuma que vemos. :)

Para rematar algumhas mentiras sobre a auga oxigenada:
-"Os banhos cum pouco de auga oxigenada rejuvenesce a pele": Auga corrente contem muitos minerales, retos orgánicos e reactivos. O H2O2 para emprego no fogar perde todas as suas propriedades ao se lhe engadir só um chisco de auga da bilha. Imagina mete-lo numha banheira!

-"Engadir um pouco de auga oxigenada às prantas fai que duram mais, ou que as sementes dadas prendam melhor": O mesmo que o caso anterior. E ademais nom tem sentido metabólico...

-"Ponher um pouquinho na auga das galinhas fai que os ovos saiam mais saborosos": (Esta muito extendida na Galiza) Mais do mesmo. E o metabolismo da pita fai impossível que algo do peroxido chegue aos organos que intervenhem na producçom dos ovos.

Se conhecedes algumha mais poco comprovar se é verdade ou nom.

Para mais informaçom sobre este produto (Como estamos na semana do livro todos eles por escrito):

-Vanity, Vitality, Virility ; John Emsley: Um bom livro para conhecer mais sobre os produtos químicos na nossa vida cotiá. Pero, Coidado! Emsley e mui pouco neutral e muitas veces recurre a argumentos mui estupidos numha "cruzada" contra os ecologistas.

-A Short History os Chemistry; Isaac Asimov: Tem um capitulo adicado aos peroxidos mui divulgativo.

(Nota: Os químicos que queiram dar-me um par de ostias por meter-me fora do meu campo que mandem as queixas ao meu correio ou comentem aquí :) )
(Nota2: Nom tivem tempo de revisar o texto, nom me matedes polas faltas :P)

Um beijo a todos!

A ESA acha as primeiras provas do nascemento de Estrelas Ultramassivas

2006-04-20T16:22:00.000+01:00

Como se pode consultar na nova na página da ESA a agência espacial europea fijo públicas as primeiras fotos que amossam zonas de formaçom de "monstrous stars", estrelas monstruosas, centos de miles de vezes mais massivas que o nosso sol. As imagenes e datos provenhem do dessaparecido ISO, o observatorio europeu do espectro infra-vermelho, e forom analizados por cientistas do Max-Planck-Institut für Astronomie, e dos observatorios Heildeberg e Steward.

As estrelas destas proporçons gargantuescas representam um grande misterio da Ciência. Desconhecemos porque alguns "berces estelares" (Nuves de pó galactico nas que nascem as estrelas) criam estrelas gigantes e normais e outras só de reducido tamanho. As suas condiçons de formaçom som dificiles de estudar, pois criam-se mui longe do nosso sistema solar e adoitam estar ocultas por densas zonas de po estelar que nom deixa passar a meirande parte da luz emitida por estas, embora a luz infra-vermelha pode escapar em forma de radiaçom térmica e ser estudado.

Umha déveda...

2006-04-20T13:16:00.000+01:00

Prometim onte umha pequena explicaçom do que é a Física Quântica :P:

A Física Quântica é a rama da Ciência que estuda o que aconteze na escala mais pequena da Realidade. O comportamento das partículas mais pequenas, as fundamentais. As leis que governam os corpos grandes, de milhares milhons e bilhons de átomos, nom som quem de descrever ajeitadamente o comportamento nessa escala. Na quantica os corpos nom podem ser situados com exatitude, nom se pode fijar a sua possiçom no espaço, nom há trajectoria como na Mecânica Classica, no quanto temos funçons da provavilidade de achar à particula num ponto.O nome de "quântica" vem doutra das propriedades descuvertas no mundo microscopico: A energia nom pode tomar qualquer valor dentre dos possíveis, so aqueles que sejam multiplos enteiros dumha determinada quantidade minima, e dizer a energia está quantizada.

Depois desta breve descripçom manifesto a minha vontade de postear mais de ciência (ainda que a gente nom comente nesses post). Os proximos seram:

-Umha pequena explicaçom sobre a história da auga oxigenada, e a sua relaçom cos bombardeos de Londres :S

-Um post sobre a física nom lineal e as razons de que nom se poda predizer o tempo com mais de três ou quatro dias com exatitude.

Enblogs'06

2006-04-20T12:51:00.000+01:00

Muito interessante a jornada blogueira donte. Aprendim muitas cousas, algumhas que dende hoje aplico, metablogueamos e conhecimos, e sobre todo quedei com ganas de ir a Jantança/Xantanza do 2006!

Tentaçom III

2006-04-18T16:44:00.000+01:00

Levo tempo pensando em migrar a um blog em wordpres, mais da-me muita pena perder os arquivos deste... alguem sabe como migrar os conteudos?

(O exame? Bem :) )

Cousas

2006-04-18T12:28:00.000+01:00

Remato de estudar Quântica e de fazer a meirande parte das praticas e tomo um pequeno descanso...

Antonte fedelhei um chisco na barra do lateral e a organicei um pouco, via IaRRoVaWo topei informaçom sobre os botoncinhos estos do lateral e umha pagina para desenhá-los. Umha caralhadinha mais queda bonito, nom sim?

Gmail segue morto e eu já nom sei que fazer, já vai perto dum mês. Nom é que nom exista a conta, é que o servidor pifa ao carregar... Merda! E tenho miuto gardado alí!

E às quatro, exame!

(Imagem: Lampada de Balmer)

Tentaçom II

2006-04-17T21:57:00.000+01:00

Umha amiga propujo-me um plam para o vram e...

Tentaçom...

2006-04-16T14:15:00.000+01:00

Amizade é ter descarregado o capitulo 19 da segunda jeira de Lost dende a quinta-feira e agardar ate hoje à noite para vé-lo cos amigos do piso.
4
8
15
16
23
42

Vai sendo hora de descarrachar...

2006-04-15T21:53:00.000+01:00

Por racista
Por anacronico
Por ladrom
Por mais que ladrom
Por ser um insulto à democracia
Por insultar a todos
Por parasito
Por mentireiro
Por miles de cousas

Vai à merda!

(E por "campechano")
(Comentara já o de ladrom?)

Especial Semana Santa III

2006-04-15T12:43:00.000+01:00

Intrigado pola puntualizaçom feita polo polinho na mensagem sobre a jura dos novos ministros investiguei um chisco pola rede. Ao mirar às fotografias da a enorme cruz enriva da mesa é o que mais chama a atençom, mais o Petit Poyon sinalou que umha biblia completava a estampa nacional-católica. Ele dicia que aberta polo livro de Numeros e os meus informadores asseguram que é polo capítulo 30 de Números . No que entre otras cousas o deus judeo-cristia aclara que o juramentos feitos por mulheres sem o consentimento de seu pai ou esposo nom tenhem validez. Pero melhor ainde é o seguinte no que o cachondo de Jehova mando aos israelitas a exterminar aos midianitas/moabitas por adorares a outros deuses (Isso é umha OPA hostil?) e depois as mulheres (agás as virgens que tomam como escravas) e as crianças som massacradas polas tropas judeas.

Deliciosos estos monoteistas, nom sim?

Especial Semana Santa II

2006-04-15T12:22:00.000+01:00

As MNG na comarca de Trasancos desenvolvem umha campanha de agitaçom contra a celebraçom da chamada “Semana Santa” nas ruas de Ferrol.

As MNG na comarca de Trasancos desenvolvem umha campanha de agitaçom contra a celebraçom da chamada “Semana Santa” nas ruas de Ferrol, que nom deixa de ser umha “tradiçom” imposta polo fascismo espanhol em colaboraçom com a Igreja Católica, e que ademais é contrária à nossa cultura nacional.

Centos de autocolantes e cartazes fôrom colados por militantes da nossa organizaçom para tapar a propaganda de exaltaçom católica que os sectores mais retrógrados da nossa cidade espalhárom nos últimos dias.

Desde MNG manifestamos:

- O nosso rejeitamento ao financiamento público por parte do Concelho, Junta da Galiza e Deputaçom destas monstras de exaltaçom do integrismo católico que representam as procissons de “Semana Santa”.

- A Igreja hoje em dia apenas mudou, moderou a sua linguagem mas nom a essência do seu discurso e segue relegando o papel da mulher na sociedade ao de mais e esposas, seguem negando os nossos direitos sexuais e reprodutivos, onde os nossos corpos nom som nossos e o nosso prazer continua a ser pecado.

- Numha sociedade nom sexista nom há espaço para a submissom do político ao religioso, nom há espaço para a intolerância dos clérigos, bispos, imans ou rabinos regendo a nossa vida e os nossos corpos.

Integrismo católico nom
Por umha sociedade laica
Polo nosso direito a decidir

Trasancos, 13 de Abril de 2005

___________________________________________

Falando de Ferrol, e entroncando co da II Republica. Coma di meu irmao. (Que algumhas tentam pescar) residente agora em Ferrol, sobre a representatividade de "todos os espanhois" de el-rei : "A mim nom me representa alguem cum iate"

Umha mensagem que ninguem quereria escrever

2006-04-14T20:53:00.000+01:00

Odio estes sitios, e tento visitalos pouco. Mais quando morre alguem que conheces de sempre, ainda que nom tiveras umha relaçom mais que superficial, e obrigado os ritae sociais pertienentes. A ela pouco lhe vai importar, mais aos outros, as nais, as avoas, aos amigos fai-lhes bem ter por uns momentos alguem que lhes dea umha aperta e lhes diga umhas verbas de ânimo. E sobre todo saber que estarás ali ao dia seguinte, quando precisem de ajuda.

A morte dalguem conhecido, perto ou nom, é dura. Mais se esse alguem tem a tua idade, creciches com ela, via-la de cotio num ambiente que nom adoitas relacionar coa morte o desacougo é maior. Nestas ocasioes gostaria de me deixar levar polo auto-engano e crer na perpetuaçom da existência mais aló do mundo material. Seica aos crentes faise-lhes mais doado este tipo de situaçoes. Por outra banda eu salvo de desacougo e do sentimento de "roubo" que tanto se escuita: "Quitarom-no-la", ou de injustiça: "Com vinte-e-um anos, Nom há piores e mais velhos que levar?".

Nom há razoes em todo isto, nom há causas nem plaos dum deus sádico que complace com apagar a vida ao chou. Nom há um fim, nem um destinho. Tampouco haverá compensaçoes ao final do caminho, nem um mundo futuro que de senso a isto. E duro admiti-lo, mais quando aceptas que isto é o que há, que esta vida e esta existência efimera e fragil é o único, e que nada do que acontence tem mais objetivo que o devenir dos feitos, em certo modo acadas um repouso e umha tranquilidade, diferente ao complacência dos crentes, que permite viver dum jeito digno.

Ogalha ela vivira, e disfrutara dumha vida longa, e figer realidade os seus sonhos, e cuidara da su nai. Ogalha hoje puidera escrever umha mensagem, como tinha pensado, falando do aniversario da II Republica, como muitos na Blogaliza figerom. Mais as cousas forom assim, e assim hai que aceptalas.

Camacho, Camacho...

2006-04-13T10:43:00.000+01:00

Amplificando...
(Via Arredemo)

Especial Semana Santa (I)

2006-04-11T16:53:00.000+01:00

"Ninguna confesión tendrá caracter estatal. Los poderes públicos tendrán en cuenta las creencias religiosas de la sociedad española y mantendrán las consiguientes relaciones de cooperación con la Iglesia Católica y las demás confesiones."
-Artigo 16.3. da Constituiçom do Imperio Pequeno

Destos quatro datos eu tiro varios escenarios possíveis:

Primeiro: O crucificado nom e Jesus de Nazaret alias "Cristo". Simbolo escolhido pola Igreja Católica Apostólica e mui Romana. Sera Pepe Bojno? Numha alegoria jocosa da sua cruzada e do seu sacrifício por Ejpaña? Juram (Prometem) os novos ministros diante da efigie do seu malogrado (e incomprendido) precursor, para lembrares sempre o seu dever de salvaguardar España e a Constituiçom (Constitución-que-nos-hemos-dado-entre-todos, PP-PSOE dixit)?

Se cres que esta é a escolha ajeitada envia Ministro Bojno ao 555-Somosparvos-5

Segundo: Rubalcaba, Alonso e Cabrera Calvo-Sotelo (Notem que em todas partes dim só o primeiro apelido dos dous primeiros, mais os três da nova ministra de educaçom vam em pacote e cum sotaque "especial"... sera por algumha "razom histórica"?) Nom estam a jurar como ministros de "El Reino de España" (Aconfesional) se nom do novo e refundando " Noble Reyno de Madrid" (Catolico), novo estado refundado pola mui católica presidenta da antiga Comunidade de Madrid, Esperanza Aguirre.

Se esta é a tua escolha preferida envia Ministro Espe ao 555-osdesempre-5

Terceiro: As imagenes som umha montage. Notade que El-Rei presenta a mesma postura nas duas primeiras fotografias, o mesmo rictus, a mesma possiçom de maos, olhos, beiços, pernas. Na terceira move um pouco as maos... mais... A cara é a mesma! Copy-paste! Copy-paste! Isto é photoshop!

E se esta é a que ti queres votar envia Ministro El-Rei ao 555-tomandodeconha-5

Cepticismo e turismo

2006-04-10T19:22:00.000+01:00

Venho de passar a minha tarde "ceptica" de todas as semanas. Adoito te-la os Sábados, pero por razoes varias nom topei tempo. Depois de ler o artigo de Randi do sete de Abril (Bom! De David Federlein e Hal Bidlack, que ele segue enferminho), fedelhar um pouquinho nas actualizaçoes do "Arquivo Iker" do "Circulo Escéptico" para rir um pouco coas últimas parvadas do nosso mercachifle de feira favorito e consultar os blogs e foros cepticos da internete... Recaim num artigo do Professor Aguilera Mochón da Universidade de Granada que resulta escepcional. Completo, claro e conciso, muito recomendavel.

Depois de ler isto reflexiono e ideias peregrinas xordem da minha cabeça: mala tempada para os cepticos, ateus e demais seres racionais, quando a tele, a radio os jornais e as ruas das cidades emchem de fanáticos sinistros a autoflagelarse e idolatrar figuras terrorificas com abundancia de casqueria... Dentro de pouco é o aniversario da II Republica Espanhola (Um lugar mais agradavel para viver, ou para deixar polas boas que o actual "Reino de España"), e digo eu... Quando algum governante tera o senso de recolher a feliz ideia dessa época de levar essos actos religiosos ao ambito que lhes corresponde, é dizer, a mais recolhida e discreta intimidade? Quer os integristas varios, quer nom, as ruas de todos nom som sitio para os ritos escuros e sanguentos duns fanaticos (tristemente mui numerosos e espalhados)... Pero pouco tardo em lembrar-me que pouco tenhem de religioso ou de culturar estas manifestaçoes necrofílicas dos cristians e que só a sua aportaçom económica em forma de enfermizo turismo impulsa ano tras ano aos concelhos a permitir essos costumes extremistas nas ruas e praças. Pouco importa que os cidadans que nom compartem a fe nesses deuses, virgens, resucitados e demais parafernalia mitológica vejam as suas cidades colapsas e as suas noites profanadas polo gentio e o ruido. Pouco importa que quando os practicantes doutras formas de irracionalidade (chama-lhe religiom, chama-lhe seta...) pidem permiso para celebrar os seus ritos (Muitos menos sinistros nalguns casos) monta-se um balbordo e lhe é denegada o seu "direito" num caso de agravio comparativo (no que as duas partes som-me igual de estranhas...)...

Nadal, Semana Santa, Peregrinaçoes varias, Santos milagreiros e Virgens choromiqueiras... dinheiro, dinheiro, dinheiro... e pouca cabeça...

P.E.: Onde meteria eu ao senhor Harris?
P.P.E.: Nom, nom falo hoje do Bono. Comparte cos irracionais dos que falo mais do evidente (ser um deles): Ele mesmo desacredita-se com cada palavra que cuspe...
P.P.P.E.: E nom, tampouco falo das últimas barbaridades dictadas dende a Conferência Episcopal. Aplicar identico tratamento que ao ponto anterior... Ainda havera alguem que os escuite?
Post(at infinitum) Escritum: Resposto eu mesmo... Sim, há. E muitos...

P.E.Final: E se tenho tempo falarei da sonda em Venus...

Católicos Avisados

2006-04-09T16:36:00.000+01:00

Este nom é sitio bom...

Já o di Bento...

(Lido em Renas...)

Erros da Internete

2006-04-05T20:07:00.000+01:00

Já levo duas semanas coa conta de gmail morta, sem poder mirar o correio nem seguir as listas (Coma a de Arrenego :S)... se isto segue assim umha semana terei que abrir umha nova conta e começar a migrar os contactos... Ja passou no seu dia com Yahoo e é mui trabalhoso.

Besbelinha di-me que nom é quem de ver o texto da mensagem sobre os Raios N. Alguem comparte o seu mal? Será por isso que niguem comenta de um tempo a esta parte :(

(A foto é da Maquina Analitica de Charles Babbage e Ada Lovelace)

Remember Remember....

2006-04-05T12:49:00.000+01:00

...the fifth of November"

Na sexta irei ver V de Vingança (V for Vendetta) a adaptaçom ao ecrám da banda desenhada do gram Alan Moore. Tremo só de pensar no mal que podem face-lo... Só com escuitar a dobrage ao castelhano do trailer imagino a desfeita.

A cançom de berce que fai referência ao intento de atentado de Guy Fawkes que ainda hoje podese escuitar no Reino Unido nas noites do cinco de novembro.

"Remember, remember the fifth of November
The gunpowder treason and plot.
I see no reason why gunpowder treason
Should ever be forgot."

No trailer em castelhano eliminam o trasfondo histórico dos versos e dim:
"Recordad, recordad mi esperanza es la venganza..."

O Gunpowder plot nom é mui conhecido fora das Ilhas, mais essa nom é razom para eliminar umha parte mui impotante do transfondo.

Espero que so sejam imaginaçons e a película tenham um pouco de respecto polo original..

Sem palavras um quatro de abril....

2006-04-04T15:50:00.000+01:00

Logo de falar ti quedo sem palavras.
Nom há nada que nom che dixera já, e por umha vez prefiro ficar calado e desfrutar.

Obrigado por este mês

Live At Budokan

2006-04-03T23:26:00.000+01:00

O meu irmao e mais eu temos o costume de mercar os DVD (Para os CD já temos internete) de música a pachas. Nom sempre coincidimos nos gostos musicais pero nos pontos em comum aforramos uns quartinhos. Temos pensado mercar um de The Who para esta Semana Santa...

O maior problema disto é a "custódia" dos DVDs: O meu irmao leva dous meses com o Live At Budokan de Dream Theater e eu tenho mono de ve-lo :P. E como to tem em Ferrol quedo coas ganas de ver em boa qualidade algumha destas joias:

O instrumental do concerto:

Ou o Pull Me Under:

Queria ponher a minha cançom favorita deste grupo (Endless Sacrifice), para que certa pessoa a escoitase, mais nom hai jeito de topa-la no Youtube. Umha igoal de boa sería:

Erotomania

E já que estamos co Youtube podo entrar em modo "parvinho" e ponher o video de Hollow Years:

E o primeiro premio é: A Terra!

2006-04-03T12:10:00.000+01:00

Leio no blog de Acedre que en North Carolina já tenhem lotaria... cousa sua, eu nom som de botar dinheiro em essas cousas. A última vez que merquei um bilho de lotaria foi de brincadeira com Carlos por empregar "Os números chungos".

Mirando numha das ligaçons que ponhe topei que tenhem o jogo do galo como jodo do estado, na minha vida vim tal cousa, pero serva para recomendares um livro que citei em outras mensagens no blog: Lotaria Solar, de Philip K. Dick.

O Jogo do Galo é o melhor ejemplo da aplicaçom da estratégia da Teoria dos Jogos, e especialmente do Minimax. Nom prentendo explicar hoje as interiodidades destas teorias, a minha capacidade divulgativa nom chega a tanto, mais creo que as bases do Minimax som accesiveis ao leitor lego. O nome de Minimax descreve as estrategias que MINImizam a MAXima perda possivel ou MAXimizam a MINIma ganancia. Isto é, um jeito de decidires com que movimentos ou acçons acadamos os resultados nos que perderemos menos no pior dos casos e aseguramos a maior ganancia ainda que nom obtenhamos o resultado optimo. Basea-se na analise dos jogos de competiçom entre dous jogadores, por turnos ou simultaneos e nos jogos de suma zero. A regra de comportamento de jogo do Minimax é escolher sempre a melhor opçom para ti, mais tendo presente que o outro jogador sempre escolhera a que mais perda che provocaria. Se os dous jogadores seguem as regras do Minimax, de jeito perfeito, o jogo remata sempre em um empate onde ninguem perde nem ganha em demasia.

No jogo do galo é um exemplo mui claro. O número de movimentos possíveis é pequeno, sete; cada nova rolda diminue as opcions do jogador e a condiçom pra ganhar é singela. Se um conhece as regras do Minimax aplicadas a este jogo e joga contra umha pessoa que nom as conhece ganha sempre. Se o jogador A pode ganhar num movimento, esse movimento sera o indicado polo Minimax, se o jogador B tem umha jogada na que A pode quedar a um movimento de ganhar o outra na que só podem empatar ambolosdous esta última sera a melhor jogada dende o algoritmo do Minimax. Mais se os dous tentan aplicares o procedemento o resultado é sempre empate, pois os dous conhecem o algoritmo ganhador. Mais o Minimax nom garante o éxito ao 100%, há uma estrategia que pode vence-lo: Os movimentos aleatórios. Se o jogador A emprega o Minimax entom esta a supor que o jogador B sempre actuara seguindo as normas de maximizar as ganancias e minimizar as perdas e em base a isso criara a sua estrategia. Se o jogador B implementa um procedemento sem objetivo é impossível de prever...

O Minimax pode-se aplicar a jogos mais complicados, como o xadrez. Mais neste caso os movimentos possíveis para cada rolda som enormes a arvre de provavilidades crece ate o infinito. Está fora da capacidade humana cumplir coas regras do Minimax numha partida de xadrez, mais pode-se aplicar modelos simplificados. E sempre estam os computadores...

A hipotese dumha sociedade na que todo o mundo aplicara as regras do Minimax à vida cotia resulta interessante. Philip K. Dick abordou na sua primeira obra "Solar Lottery" a ideia dumha Terra dominada polo azar: o Jogo da Botelha. A gente que entra no "Jogo da Botelha" recive um bilhete da "Lotaria Solar". Em qualquer momento o jogador pode entregar o seu bilhete a umha das "Colinas", conglomerados industriais mundiais que producem sem freo productos de consumo, estas daram-lhe trabalho segundo a sua qualificaçom pero ele renuncia a ganhar o premio. A gente tem acceso aos bens producidos polas Colinas de dous jeitos: cos creditos obtidos polo seu trabalho e polos sorteos continuados que se organiçam para evitar que se acumule Stock. Se um conserva o seu bilhete nom tem trabalho, mais entre num sorteo cum premio maior... a Terra. O Jogo da Botelha e umha lotaria na que nom se sabe nem o dia nem a frequência (Bem pode tardar anos ou minutos em emitir um novo resultado) pero quando sae um número da Botelha... o mundo muda de mans. O posuidor do nú converte-se no novo dono governante da Terra, The Quizmaster, o "Gran Presentador". Por riva do jogo da Botelha há outro jogo que entretem ao Mundo: O ex-Quizmaster tem o direito a organizar um "Congresso de Assasinos" para envia-los (um a um) para matar ao seu sucessor. Todo isto retransmitido por TV....

Neste primeiro livro de Dick apresentam-se os traços mais importantes da sua obra: A natureza da Realidade, da condiçom Humana, a Paranoia... Que podemos ver em toda a sua obra e nos filmes que as adaptarom: Blade Runner (do relato "Do Androids Dream of Electric Sheep?") Total Recall (Co Governator, adaptaçom de "We Can Remember It for You Wholesale"); Confessions d'un Barjo ("Confessions of a Crap Artist"); Minority Report (Do relato do mesmo nome); Paycheck (Idem); A Scanner Darkly (Saira em Julio deste ano) e Next ( dentro dum ano).

Pseudociências e milagres

2006-04-02T21:10:00.000+01:00

Pouquinho a pouco perdem terreno

Para o seguinte

2006-03-30T08:35:00.000+01:00

Eu quero ver os eclipses assim

Hipotese Prada....

2006-03-28T23:23:00.000+01:00

O amor que todo o perdoa....

("Ñoñeria" level 10)

Obrigado

2006-03-28T13:21:00.000+01:00

!Stanislaw Lem
12 de Setembro de 1921- 27 de Março de 2006

Człowiek z Marsa (O Homem de Marte)
Szpital przemienienia (O Hospital da Transmutaçom)
Astronauci (Astronautas)
Obłok Magellana (A Nube de Magalhanes)
Sezam
Czas nieutracony
Dialogi (Dialogos)
Dzienniki gwiazdowe
Inwazja z Aldebarana (Invasom dende Aldebaran)
Śledztwo (A Investigaçom)
Eden (Edem)
Ksiega robotów
Powrót z gwiazd (Volta às estrelas)
Solaris (Solaris)
Pamiętnik znaleziony w wannie
Summa Technologiae
Niezwyciężony (O Invencivel)
Cyberiada (Ciberiade)
Głos pana (A voz do seu amo)
Fantastyka i futurologia ()
Dzienniki gwiazdowe (Diarios das Estrelas)
Ze wspomnień Ijona Tichego; Kongres futurologiczny (Congresso de Futurologia)
Ze wspomnień Ijona Tichego; Professor A. Dońda
Opowieści o pilocie Pirxie (Contos do Piloto Pirx)
Wielkość urojona (Magnitude Imaginaria)
Rozprawy i szkice
Wysoki zamek (
Katar
Mortal Engines
Golem XIV
Wizja Lokalna
Doskonała Próżnia (Vazio Perfeito)
Microworlds
Fiasko (Fiasco)
Pokój na Ziemi (Paz na Terra)
Bomba megabitowa
Okamgnienie
Swiat na krawedzi

Obrigado polos sonhos

Chamada...

2006-03-27T19:13:00.000+01:00

À noitinha tem (tes) que ser ainda mais bonita.

(No meu piso dim que estou um pouco "ñoño")

De volta!

2006-03-26T23:45:00.000+01:00

Depois dumhas semanas um pouco ocupado estou de volta! E já vedes que tenho ganas de contar-vos cousas da Ciência.

Começa umha nova tempada, na que por diversas razons tenho espranzas renovadas e um sorriso permanente na faciana.
Vaiam vostedes saber...

Encheremos as velas
c´a luz náufraga da madrugada
Pendurando en dous puntos cardinaes
a randeeira esguía
d’ o pailebote branco.
C’ as suas mans loiras
acenan mil adeuses as estrelas.

Os Raios N

2006-03-26T17:53:00.000+01:00

Vai uns meses falava da mala praxe que evidenciou o caso do doutor Hwang Woo-suk . Nestes casos é difícil saber se intençom inicial do investigador era estafar aos seus colegas e a toda a comunidade científica mundial, ou bem a sua investigaçom comezou dum jeito honesto e viuse arrastrada ate o timo integral para cumprires as espetativas da sua universidade e do seu laboratorio. A Ciência, e nom falo daquela convertida num produto industrial ao serviço das empresas, muitas veces queda supeditada a cumprires as anelas pessoais dos investigadores ou a obter a sempre escasa financiaçom. Se nom há resultados palpaveis que agitar coma cebo para mais inversom o investigador pode dar por morto o seu trabalho, e muitos estám dispostos a sacrificares a honradez dos seus projectos em prol da sua continuaçom. Também som muitos os "divos" neste mundo, aqueles que nom duvidam em arranxar e "inclinar" os resultados para coleccionar artigos nas publicaçons especializadas.

Mais há casos nos que um cientifico frauda aos científicos, a mentes senlheiras da sua época, a meio mundo e mesmo a propio investigador . Um dos maiores casos de auto-engano que se lembram na história é o dos "Raios N". Penso que é mui recomendavel para os cientificos, e para os futuros científicos coma eu, ter serpre presente o perigo que representa pôr diante o cumprimento da teoria, coa que sempre temos umha relaçom pessoal, que os resultados experimentais. Ainda que hoje a Filosofia da Ciência vai por vieiros bem distintos o procedemento da Falseabilidade segue a ser o coraçom da praxis da Ciência. Nom se desenham experiências para afirmar as teorias com mais datos favoraveis, construense para "ponhelas em perigo". Essa é a diferência entre as pseudociências e as Ciências de verdade: Nom há apego, ou nom deberia haber, à teoria coa que se trabalha e observam-se os resultados com frialdade. E isso é o que nom figo Rene Blondlot e muitos dos seus contemporaneos: A teoria era demasiado bonita e prometia tantas vantages para a Humanidade que falsa-la era duro de mais.

Retrocedamos a finais do século XIX: Röntgen decubria os Raios X em 1895. Umha "radiaçom milagreira" que ofrecia umha cheia de possivilidades em muitos campos. Antes de que os físicos foram quem de dar umha explicaçom às propiedades destes raios os médicos já a empregravam coma nova, e omnipotente, ferramenta de diagnose: Ver o interior do corpo humano sem ter que intervir cirurjicamente revolucionou a medicina de começos desse século XX que nascia. Passariam anos antes de que os efeitos perniciosos da radiaçom de alta energia foram estudados dabondo como para criar um procedemento fiavel para trabalhar com eles. Mentres os físicos de meio mundo ponhiam a proba a nova radiaçom para conhecer a sua natureza. Experimentavase com diferentes materiais emisores, fiestras de difracçom, objetos irradiados... umha "febre dos Raios X" estendeu-se polas universidades de Europa e América. Incluida a de Nancy na França.

Ali, no Instituto de Ciências Físicas, trabalhava o reconhecido investigador Rene Blondot. A começos de século Blondot experimentava cos raios X modificando os materiais das lámpadas empregradas. Experimentos anteriores noutros laboratorios amosaram que diferentes lámpadas produciam raios X com diferentes poderes de penetraçom. O françês sostenia a teoria de que novos raios, e centos de novas aplicaçons milagreiras, estavam agardando aos experimentadores. Nalgum momento do ano 1903 Blondlot topou o que tanto desexava: Umha radiaçom que tinha o poder de aumentar a luminosidade dos corpos radiantes. O aparelho empregado era umha lámpada de aluminio num contenedor de ferro, cumha fiestra de aluminio. Blondot asegurava que quando esta radiaçom incidia numha lapa de gas ou numha pantaia fluorescente acrecentava a luminosidade observada. No outono desse ano a universide de Nancy facia publico os pormenores do trabalho de Blondot. Ele chamou-nos Raios N, pola univerisade que financiara a sua investigaçom. Nos três messes seguintes as publicaçons especializadas da época encherom-se de dezenas de artigos apoiando as experiências do francês. A meirande partes delas era meras repeticions do seu trabalho pero havia dous reportes que derom o empurre definitivo aos Raios N cara o "estrelato". Um deles polo que nel se afirmava e o outro pola pessoa que o firmava.

O primeiro deles levava o nome de A. Charpentier no titulo. Este era um desconhecido mesmerita, lembrade que na época essa pseudo-ciência era considerada digna de consideraçom, que afirmava que os músculos, os nervos e mailo cerebro emitiam Raios N. Estas propiedades eram melhores ainda que as dos Raios X: Segundo Charpentier a intensidade da radiaçom emitida estava direitamente ligada coa actividade destes tecidos. Os aparelhos de Röntgem ofreciam umha imagem estática, namais que umha fotografia que os médicos ainda estavam aprendendo a interpretando, os de Blondot prometian dar a conhecer o que acontecia nos órganos, em tempo real. O único que precisava o fenómeno era que umha das "vacas sagradas" da época apoiara a teoria. Nesses anos o "principio de autoridade" era mais importante que os resultados experimentais (E hoje nom che vos é mui distinto....). E quando Becquerel, o físico mais repectado desse século que nascia, publicou um trabalho sobre os seus experimentos na propagaçom da nova radiaçom em arames. Ao mesmo tempo outros científicos de igoal ou maior renome publicarom os seus informes com resultados negativos: Lord Kelvin, William Crookes, Otto Lummer ou Heinrich Rubens. Pero o dano já estava feito.

Em meio ano todas as revistas científicas estavam incadas de artigos sobre experiências exitosas. Os editores rejeitavam os reportes negaitvos, argumentado que eram causados "pola pouca habilidade" dos departamentos de investigaçom. Becquerel, Blondlot e Charpentier publicarom decenas de trabalhos falandos das increíveis aplicaçons futuras dos raios. O seu poder de penetraçom era mui superior ao dos raios X, mais se podia controlar para que atravesara so algumhas densidades. Dezenas de materiais forom clasificados como emisores naturales de Raios N, entre eles o Sol. Segundo a teoria construida por Blondlot a nossa estrela os emitia e os corpos da Terra a absorviam para depois liberala: O quartzo e a auga de mar eram os principales armazens naturais. Charpentier segiu coa hipotese "biológica" e afirmou que na sua presença melhorava a resoluçom da vista, que os anestésicos actuavam reducindo a emissom N e que a actividade cerebral podia ser medida meiante eles: Umha prancha fosforescente colocada emfronte a cabeça, devidamente tratada para seres sesivel aos raios milagreiros, permitia conhecer que partes do cérebro trabalhavam em cada intre...

Mentres os científicos que fracassaram em emular o trabalho de Blondlot começarom a suspeitar da veracidade do achado. Namentres muitos aproveitaros unirom-se a comparsa que crescia e crescia: Gustave Le Bon, um físico amateur, asegurou ter descoberto os Raios N sete anos antes que Blondlot. Um médico, o doutor Fabre aseguro que o útero da mulher era também um armazém e que durante o parto as contracçons iam em progressom à emissom. N. P. Audollet , um científico, e Carl Hunter, um espiritista, discutirom a autoria do descobrimento dos Raios N biológicos a Charpentier. A Academia de Ciências Francesa abriu umha investigaçom para dilucidar quem era o pai do fenómeno.

A mesma Academia protagonizou um episodio vergonhante em toda esta histórica: O premio de 1904 foi para as mans de Blondlot pola pressom de Becquerel e Poincaré, em detrimento de Pierre Curie. Isto levantou a meirande parte da comunidade científica francesa a unirse ao movimento internacional que exigia um procedemento público de comprovaçom do trabalho de Blondlot e os seus colegas. Em 1904, no Congreso Científico de Cambridge o tema dos Raios N discutiu-se abertamente, amosando-se que a meirande parte da Comunidade Cientifica mundial era mui esceptica. Heinrich Rubens organizou um grupo de trabalho para levar um pouco de luz sobre o asunto. Robert Willians Wood foi eligido polos seus colegas para pôr em evidência a fraude. Ele era um respeitado físico da universidade Johns Hopkins, conhecido polo seu trabalho no campo da Óptica e a sua afecçom por desenmascarar pseudociências e espiritistas.

Woods chegou a Nancy e entrevistouse com Blondlot. Wood falava um perfeito francês mais empregou o alemao para que Blondlot pensara que podia falar coa sua equipa de laboratorio em privado. Wood estivo presente numha serie de experimentos cos Raios N pero afirmou que nom via rem. Segundo Blondlot uns circulos de pintura fosforescente teriam que brilar com mais força, mais o americano nom notara a diferência. A resposta de Blondlot foi que ele nom era "sensivel dabondo" à radiaçom N. Na derradeira experiência Wood decidiuse e actuou: O francês queria amossar como um prisma de aluminio desviava os raios e os dividia em "quatro raias espectrais" que aumentavam a luminosidade numha pantaia. De primeiras Woods tampouco viu nada, mentres que o resto dos experimentadores afirmavam percever claramente o efeito. Educadamente o inglês pediu que a repetiçom da experiência, e mentres apagavam as luces aproveitou para trocar o prisma de aluminio por outro de ferro, que segundo a teoria de Blondlot bloquearia os Raios N. Mais segundo eles obtiverom resultados favoraveis... Woods deu o troco de novo aos prismas antes de que a luz voltara. Um dos ajudantes de Blondlot suspeitava algo e pediu que se repetira a mediçom, em alemao, mentres ponhia em aviso aos seus colegas das suas suspeitas, em francês. Desta vez Woods nom tocou nada, pero figo soar os seus pasos cara a máquina. Blondlot e os seus ajudantes afirmarom, entre eles e completamente seguros, nom ver nada, acenderom as luces e comprovarom o aparelho. Nestas Woods despediu-se de Blondlot e marchou.

O reporte do americano em Nature, publicaçom que mostrou muito escepticismo ao fenomeno N, ao mes seguinte foi definitivo. Um mês depois publicouse na Reveu Scientifique e deu o golpe de graça aos Raios N. Amosouse que nom eram mais que um fenómeno subjetivo, froito do autoengano. Ninguem duvidou da honradez de Blondlot, um científico respeitavel ata entom, e convertiu-se no maior ejemplo de "Ciência patológica". Blondlot nom queria enganar a ninguem, só estava tam "namorado" da sua teoria e do seu descobremento que inconscientemente colheu só os datos favoraveis. Autocondicionou-se para ver esse "aumento da luminosidade" e contagiou a toda a Universidade de Nancy. O fenomeno expandiu-se pola França por dous motivos principais e nada científicos:

-O enfrentamento coa Alemanha: O trabalho de Rötgen levara a ciência germana ao cumio da populariedade, apoiado pola política do pais de enfrentamento cos seus vicinhos. No clima de enfrontamento de começos de século cumpria resportar ajeitadamente à ascendente ciência germana. As autoridades políticas e científicas apoiavam qualquer projecto que fora quem de aumentar o crédito científico da França.

-O desexo dum descobrimento destas carateristicas: Os Raios N de Blondlot eram geniais. Eram justo o que o mundo pedia à Ciência, um aparelho de diagnose quase omnipotente que permitia conhecer o interior do corpo humano em movimento. Boa de mais para nom acreditar neles. Blondlot adicara anos da sua vida ao estudo das lampadas de alumnio-ferro, nom era quem de de desbotar todo esse trabalho e condicionou-se para ver resultados favoraveis nos seus experimentos.

A Ciência é a única via de achegamento à verdade sobre o mundo na que o ser humano pode confiar, mais só se é Ciência de calidade. Se o proceder é científico, se a mentalidad do experimentador é científica e sempre esceptica ainda quando os resultados som favoraveis, entom faise Ciência de verdade. E nunca, jamais, obteremos verdades infaliveis como as que outras “fontes de conhecemento” (Religiom....) vendem, só inseguridade e dúvida, como dicia Asimov. Para mis val mais essa inseguridade, ou certeça de que algum dia teremos que corrigir o nosso ponto de vista, que a iluminada e fanatica seguridade da Religiom ou das pseudociências. Por isso é importante quer os científicos tenham presentes historias como a de Blondlot, para despegarse emocionalmente das teorias coas que trabalham e assim no prejulgar os resultados...

Esta mensagem de quatro paginas, na que estivem a trabalhar durante um mês, xurdiu da leitura dum texto de James Randi, que evidencia que a historia dos Raios N esta-se a esquezer...

... science does not always learn from these mistakes. visiting Nancy recently and speaking on the sobject of pseudoscience, I discussed this example and though I was in the city that gave the name to N-Rays, no one in the audience had ever heard of them, or of Blondlot, not even the professors from the University of Nancy!

-James Randi

Mais dos Raios N:

http://www.rexresearch.com/blondlot/nrays.htm
http://mikeepstein.com/path/nrays.html
http://www.geocities.com/Area51/Chamber/1922/8030701t.html
http://www.o4r.org/pf_v5n1/Hoaxes.htm
http://encyclopedia.thefreedictionary.com/Ren%E9-Prosper%20Blondlot

Maravilhas

2006-03-17T15:15:00.000Z

Sei que levo umha semana desaparecido, tenho três artigos sobre ciência na recâmara, pero nom atopo tempo para remata-los, em quanto tenha um intre publicarei algo . Estou a viver algo incrível e maravilhoso, consequência dessas casualidades da vida que um nom pode predizer. E nom quero que se perda por nada no mundo...

Encadearemos adeuses d'escuma
pra todal-as prayas perdidas
Xuntaremos cuadernos en branco
d'a novela errante d'o vento
Pescaremos n-a rede d'os atlas
ronseles de Simbad...

Retrato-robô

2006-03-12T15:01:00.000Z

1.000.000 de € de recompensa
Acusados de deixar a Fernando feito merda...

Às carreirinhas por Santiago...

2006-03-07T15:09:00.000Z

Hoje toca ir apurado e recorrer Compostela dum extremo ao outro, para chegares a tempo.
Aulas
+
Tai Chi
+
Fazer umhas fotocopias
+
Pagar o piso
+
Ir à loja
+
Comissom da língua
+
A exposiçom

Desta última dizer que expom umha das nossas artistas blogueiras de referência e nom hai que perde-lo....

(E justo onde gorentava por ir nom devo...)

Cumpre ir com tento...

2006-03-07T11:45:00.000Z

Enrolarase a pausa

n' as suas espiraes

Arrenego!!

2006-03-06T22:29:00.000Z

A-R-R-E-N-E-G-O

O mundo detem dois tipos de Homem: homens inteligentes sem religiom, e homens religiosos sem inteligência.
Abu´l-Ala-Al-Ma´arri

A mais pequena acçom...

2006-03-06T15:36:00.000Z

...
pode mudar
o
devenir dos feitos
dum
jeito inopinado
...

A imagem é o atrator de Lorentz. O primeiro "atrator estranho"... ou raro...

2006-03-03T14:17:00.000Z

30 anos de que o senatore fizera sua a rua... e segue impune...

É triste...

2006-03-03T12:03:00.000Z

...comprovar como o castelam segue a ser a língua da ciência neste pais: Aula de problemas de Física Matemática, bolseiro que fala galego, escreve em galego mais... os substantivos dos objetos matemáticos sempre em castelhano, na escrita. Ele diz "anel" mais escreve "anillo"! Ele diz "corpo" mais escreve "cuerpo"! Ele diz "ou" como disjuntiva mais escreve "ó" (cousa que ate em castelhano está mal)!

Borbonadas...

2006-03-01T13:31:00.000Z

Nestes tempos incertos nom se pode permitir que o sangue azur esteja a dispor da plebe...

Ainda que melhor nom...

975 primaveras...

2006-02-28T16:07:00.000Z

Louvado seja Deus por ter-me dado o dom da fala nossa, por ter-me ensinado a dizer "rula", e "avidoeira" e "dorna" e "fonte", e entom eu, sabendo estas palavras, era verdadeiramente dono da rula e da fonte. As minhas invenções e as minhas graças têm, porém, um sentido mais fundo: por riba e por baixo do que eu fago, eu quigem e quero que a fala galega durasse e continuasse, porque a duraçom da fala é a única possibilidade de que nós duremos como povo. Eu quigem que Galiza continuasse, e ao lado da pátria terrenal, da pátria que som a terra e os mortos, haja esta outra pátria que é a fala nossa. Se de mim algum dia se quiger fazer um elogio, e eu estiver dando erva na terra nossa, poderia dizer a minha lápida: "Aqui jaz alguém que com a sua obra fizo que Galiza durasse mil primaveras mais"

-Álvaro Cunqueiro

Ampliando...

2006-02-25T18:41:00.000Z

Do minimalismo ao construtivismo... e dizer, andar a andar.

O bom da Rede, e das redes, é que tes opotunidade de conhecer gente da que doutro jeito nom terias nim ouvido. Podes viver à carreirinha dum cam dumha pessoa fascinante e se nom fora por as casualidades da vida ou da rede nom a conhecerias nunca. E tampouco conhecerias às /os tol@s das suas amigas.

Tampouco descobrerias o mal que ponde sentarche umha aula de Fisica Matemática com três horas de sono....

Nota primeira: Tomo nota do disfarce Juan Reyes.
Nota segunda: Lembro que nalgum dos meus desbarres antonte comentei algo sobre a dinámica de massas nos locais de copos, agora que já tenho especialidade decicidida pode que algum dia volte a falar delo...

Entroido

2006-02-24T23:31:00.000Z

Que bem o passei onte.

:)

(Hoje toca minimalismo....)

A nova TVG...

2006-02-22T12:03:00.000Z

Pode ser que seja cousa da radiaçom que papei onte, Ou do pouco durmir e do muito falar. Ou cousa da gafas que nom mire bem... Pero na TVG anunciam Falcon Crest para o seram de hoje...

Dacordo que estam a sacar cousas novas, algumhas mui interesantes, mais....

"O luxo, o poder, os enganos, as traizóns... o sexo"

(Parece a minha vida... XD)

Nom pensar..

2006-02-20T16:21:00.000Z

A
hiperactividade
intelectual
ajuda
a
nom
pensar
nelo

Chooove....

2006-02-18T21:48:00.000Z

Chuvia+chocolate quente+um bom filme= Umha noite perfeita.

Estranhas relaçons cos livros...

2006-02-18T15:06:00.000Z

Leio em Bretemas um aforismo muito bom:

"A tua casa está onde estám os teus libros"

Concordo ao cento per cento com ela. Tinha na cabeça escrever um pouco sobre alguns desbarres meus arredor dos livros cos que tenho umha relaçom especial, e acho que este é um jeito bom de começar.

Após de citares a Dick fai duas mensagens colhim "Lotaria Solar", o seu primeiro romance, e relim-no numha tarde. É mui curto, quase um conto longo, e mui absorvente. Quando colei o final do livro na blogue entrou-me a gana de le-lo de novo, como se fora um todo do que um nom pode levar so um anaco. Se quadra é pola sua condiçom de relato longo, no que a divisons em capítulos estam de mais, e no que a acçom acontece em poucas horas. Além disso Dick tem essa loucura no sustrato de todos os seus livros que engancha na consciência do leitor e atrae aos que tentam descobrer que demo estava a pensar este home....

Há muitos livros cos que um tem umha relaçom especial. Há livros e autores que som imprecindíveis na infância e a adolescência(Stevenson, Verne, Dumas, Poe, Lovercraft, Asimov, Sagan, os Strugatski, Christie, Doyle, Tolkien, Willians...) e que depois convirtem-se no sustrato da mente. Há livros e autores que espertam a um (Curros, Castelao, Marx, Camus, Althusser, Bakunin, Marcuse , Adorno, Rosalia, Harris, Herbert...)...

Há livros que levo dez anos sem ser quem de rematar, ou de passar da página 211...#
Há livros que lim centos de veces...# # #
Há livros nos que cada nova leitura é nova...# #
Há livros que quero reler pero nom atopo o tempo...#
...Ou o momento ajeitado...#

Também há livros dos que nom lembro o nome nem o autor, ou livros que me fam chorar como as cebolas (Estes nom tenhem ligaçom, som segredos...), rir coma as cóxegas, lembrar como o té/chá (;) ). Penso que os livros, como todo o aquelo que nos cambia, cria um laço mui forte com algo. Nom es o mesmo depois de ler, por mui mala que sexa a leitura, e essa mudança tem pegada. Muitas veces um livro evoca a umha pessoa, por direitas ou por vias mui arevesadas...

E digo eu... e as vossas? Quales som os livros cos que tedes umha relaçom singular?

*Música: Moreno Veloso-O livro & o beijo.
(Cortesia de Marinha)

Momento fachendoso

2006-02-17T19:38:00.000Z

Já tenho os óculos novos. E estou-vos dum ghuapo... ;)

Anceios

2006-02-16T20:24:00.000Z

-Nom vos é um impulso cego -dizia a imagem decrépita. Os olhos sem luz miravam por riba do grupo que estava escoitando, sem vê-los, sem ouvi-los, sem advertires que estavam alí. Falava cuns interlocutores que estavam mui longe, uns observadores distantes-. Nom é um instinto animal o que nos fai sentir insatisfeitos. Direi-vos o que é: o anceio mais grande do homem, a necessidade de crescer e de melhorar...., de atopar cousas novas..., horizontes novos. De extenderse e conquistares novos territorios, novas experiências; de comprederes e viver numha evoluçom permanente. De deixar de lado a rutina e a repetiçom, de escachar coa insensata monotonia do costume e ir para diante, e nom deterse...

-Philip K. Dick "Lotaria Solar"

-O verdadeiro heroísmo consiste em trocar os anceios en realidades, as ideias em feito.

-Castelao

E eu de heroi tenho-vos o justo...

Promessas para quatro meses

2006-02-15T22:00:00.000Z

Passei estes dias na Corunha post-Vazquez e nom puidem mirar nem escrever na blogue. Precissaba duns dias de descanso, antes de começar o segundo quatrimestre. Desfrutar da familia, a boa comida, e esquezer um pouco os estudos, e o que nom som estudos. Voltei hoje a Santiago para marchar de novo amanhá, ate o domingo.

Nesta segunda metade tenho um horario um chisco mais duro, de nove a umha na facultade: Física Matemática, Quântica, Óptica, Termodinâmic, as terceiras e quintas Tai-Chi-Chuang (umha carreirinha ate o polideportivo) e de 6 a 7 e meia esses mesmos dias Econofísica outra vez na facultade. Ademais laboratorio vai ti saber quando. Pero há gente que tem horarios mais duros, deseguro.

Seguindo o costume de fazer votos em aninovo eu fago promessas nesta época, depois de fevreiro:

Ir todos os dias a clase

Fazer duas integrais ao dia. (Que para os físicos é coma comer umha mazá...)

Levar as práticas ao dia

Nom empregar mais o ascensor, e ir mais aos partidos de baloncesto.

Acougar um pouco e nom ter tam mala uva.

Esquezer o que prometim esquezer.

Manter a blogue ao dia

Topar moça
(muahahaaaahaaaahaaaa... huhu... hahahahahahaha... ains que cousas tenho... hu... hu... hu... hu... huihuihuihui...)

E depois do momento humor (huahuahuahua... huhu) dizer que nom sinto A Corunha mui diferente sem a mao de ferro (ou de vidro de cem mil ouros...)... também pode ser que como Pacu nunca pensou nos barrios da cidade que nom foram Juan Florez e demais gente "coruñesesdetodalavida"...

E outra! Cagho nos bispos! Agardam a que estea de vacacions para desmelenarse...

Três programinhas

2006-02-12T17:45:00.000Z

Três programinhas e plugins, pequechos, que me fam a vida informática mais singela:

O Tomboy

Este é um programa para tomar notas. Lembra aos clássicos "post-it" pero é muito mais útil. Tem opçons para enriquezeres o texto e co comando ctrl+l criamos umha nova notinha ligada às palavras sinaladas. E umha parvada, pero ajuda.

O Estraviz no Raposo

Via Aranheira e O Reverso. O dicionario inprescindível para nós, que começamos no reintegrado, a um clique...

O chá perfeito

Isto já e umha "pijada", pero quando o achei nas aplicaçons da Debian botei uns risos... E um cronómetro que che avisa quando o chá está feito...

Reflexom

2006-02-11T17:02:00.001Z

E nom vos decatades de que marcha o único alcalde metrosexual*?

*Quem di metrosexual di dandy.

Manderlay

2006-02-11T13:28:00.000Z

Como diziam em Renas e Veados, Lars von Trier é um desses imboicotáveis da Dinamarca. Podes gostar mais ou menos do seu estilo, da sua temática cristia ou do Dogma, pero é um ponto de referença cinematográfico. Onte vim Manderlay e reconciliei-me com ele. Dacordo que Dogville encantou-me, pero Kingdown Hospital é infumavel...

É um desses filmes com muitas leituras, desses sobre os que podes estar a falar durante meia noite logo de velos. É um filme sobre a escravitude, e nom, fala do racismo, e nom, fala do intevencionismo americano, e nom. Von Trier trabalha de novo nessa ferramenta visual tam, creo eu, potente como é rodar sobre o "plano" da escena. Acho que o vacio aparente do ecrám chea-se dabondo com o trabalho duns actores mui bem selecionados: Bryce Dallas Howard, tremenda e um Danny Glover que deija coa boca aberta...

Ah! Um desses filmes no que podes foder muito à gente se falas de mais, assim que nom podo dizer todo que quero...

A melhor noticia...

2006-02-10T12:02:00.000Z

Sem comentarios, a melhor noticia que poderia escoitar...

(Que conste, estou escrevendo um post de ciências, que é do que vai a blogue... ;) )

O demo que levamos dentro...

2006-02-09T20:32:00.000Z

Já rematei com Termo, mais nom tenho a cabeça para ponherme com Analise. Ainda tenho o "chip" no mundo dos potencias e a entropia... E para aproveitares a situaçom vou fazer um pouco de divulgaçom...

Hai dos post falava da "demonologia" de Laplace e já sabedes que o meu humor é moi malo. Pierre-Simon de Laplace é conhecido por os seus trabalhos na Física e na Matemática, pero também foi um importante filósofo determinista. Ele foi que precisou o Principio Determinista, como sigue: "O Presente deste universo é consequência directa do seu pasado e causa única do seu futuro". Na mesma alocuçom criou o seu demo: "Se existise um intelecto que fora quem de conhecer a composiçom e a situaçom de todos os corpos, planetas, objetos, moléculas e átomos do universo e tivera capacidade de computaçom e analise dabondo como para incluires toda esa informaçom numha equaçom que abranguira todas as suas interacçons, entonces esse intelecto conheceria o devenir futuro do universo, assim como o que aconteceu no pasado" Nos três séculos seguintes muito deu este principio para discutir aos filósofos, físicos e a velhos na taberna... Pero hoje nom quero falarvos dele!

O "Demo de Laplace" e um exemplo de Gedankenexperiment, experimento mental no alemao original, dos muitos que tem a Física. Sem dúvida o mais conhecido é o do Gato de Schöringer (O gato nom esta morto) ou Suicídio de Moravec, também chamado Suicídio Quântico), e o Paradoxo dos Gémeos de Einstein. Estes plantexamentos mentais tenhem muita utilidade no desenrolo teórico das ciências, pois permitem trabalhar e explorar dimensos inusitadas das teorias. Também servem para atopar erros e falhas nessas teorias. A Física adoita chamar "demos" (Ou dianhos? Vós que preferides?) a todo constructo intelectual ao qual se lhe dota dumhas propiedades ou "poderes" que vam mais aló do que é concevível, ainda no seo da propria teoria. O Demo de Laplace possue umha capacidade de cálculo e de armacenagem de datos que nom podemos nim imaginar (E que segundo as últimas teorias da informaçom nom é possível... por muito que emperrenchem aqueles que adoram a deuses "omnisapientes"... pero isso e cousa doutro dia) pero isso nom é o fundamental para o interesse da experiência. Outra dia voltarei sobre o tema do deterministo e da capacidade de cálculo do universo. Pero agora quero falarvos doutro demo, este muito mais pequeno... O Demo de Maxwell.

O Segundo Principio da Termodinámica é, de seguro, um dos mais importantes da Física. Jogava mui bem com ele Isaac Asimov em "A Questom Última". O seu enunciado mais geral e aquele que diz: "A entropia dum sistema isolado aumentará sempre ate alcançar um máximo local". Mais o jeito mais visual de explicalo é o enunciado da máquina térmica, isto é: "Nom é possível construir umha máquina cujo único processo implique colher energia dumha fonte e transformala em trabalho" Isto é, sempre há certo trabalho dissipado no mundo real. As máquinas do nosso entorno quecem quando trabalham, já seja por roçadura, as resistências elétricas do seu interior... O segundo principio determina a direcçom no que os sucessos avançam, entre as permitidas polo Primeiro Principio, e que estados finais som possíveis e impidem a construcçom de movieis de segunda especie. Entre eles o mais gráfico é aquele no que se ponhem em contacto dous corpos a diferentes temperaturas, isolados do resto do universo. O senso comum, e a Segunda Lei, di-nos que os corpos acadaram umha temperatura intermedia e igoal para os dous, co passo do tempo. É impensavel que posteriormente um dos corpos, ou umha parte deles, tenha umha temperatura superior e permaneça nesse estado, sem violar a Segunda Lei.

Isto mesmo pensava Maxwell quando desenhou um gedankenexperiment que contradecía essa lei: Imaginade um recipiente onde um gas acadou umha temperatura estavel. Segundo a Mecánica Estatística a temperatura nom é mais que um indice da velocidade coa que as moléculas desse gas estam-se a mover. Os corpos com mais temperatura tenhem mais energia e mais "movimento" no seus componhentes. Ainda assim essa descripçom da temperatura é umha generaliçazom, igoalinho a umha enquissa: Há partículas que vam muito mais rápido que a meia, eutros muito mais a modo. A temperatura do corpo é umha meida das velocidades das moléculas do seu interior.
Esse recipiente está isolado do resto do universo, e umha parece cum pequeno burato divide a vasilha em duas, A e B, e só um pequeno burato comunica-as. Imaginade agora que sentado no burato há um pequeno demo, o Demo de Maxwell. Este demo é tam pequeno que pode ver as moléculas do gas e os seus poderes permitem-lhe conhecer a sua velocidade. Tem nas suas maus um botom co que pecha e abre o burato. Quando umha molécula mui veloz tenta passar da vasilha A à B o Demo sorrí e rasca-se o bandulho, pero se a partícula é lenta de mais (mais que a meia da B) ergue-se dum chimpo e da-lhe ao botom, pechando o burato. Se umha de B, mui lenta, quere entrar em A o demo segue vendo Salsa Rosa pero se é rápida "clique" e adeus. No momento em que umha partícula rápida entre na vasilha "lenta" a temperatura meia desta aumentará, contradiciendo à Segunda Lei. Se deijamos trabalhar um tempo ao demo veremos que as temperaturas som mui diferentes... o qual já é cabreante... Como é isso possível?

Nom há dúvida sobre a veracidade da Segunda Lei, se há um principio mais experimentado na Ciência nom o conheço. Cumpre achar algumha falha nesta experiência mental, a isso adicarom-se muitos físicos nas seguintes décadas. Maxwell criou o Demo no 1867 e ate 1927 nom se atopou umha resposta: O demo nom pode estar a escuras... explico: Leó Szilar argumentou que o Demo tinha que ver as moléculas para decidir se abre ou pecha o burato. O feito de ver algo, de observar, implica o gasto dalgumha energia. O Demo tem aceso um candil para ve-las, e todo gasto de energia é um aumento da entropia. A Segunda Lei cumpre-se para sistemas isolados, temos que mirar na energia e a variaçom de entropia do Demo, que emprega o candil para alumear o interior da vasilha e distinguir as moléculas rápidas das lentas.

Em 1960 Rolf Landuer, um Físico da empresa IBM, descubreu um dos principios mais importantes da Teoría da Informaçom: Quando em um circuito borra-se certos datos eles nom "desaparecem" (Lavoasier! Amigo!), transformam-se em algo: Calor e Entropía. Agora mesmo, mentres ledes esto no vosso computador este está a borrar e escrever muita informaçom, onde vam esses datos? Pois ao universo, dissipados em energia. O mesmo acontece no vosso cerebro, quando processa datos. Esta teoria dos circuitos irreversíveis abriu um novo caminho para solucionar o paradoxo deste demo. O becho tem que pensar, julgar qual se umha partícula é rápida dabondo, e fazelo com cada umha das moléculas que passam perto do burato. Chegará um momento no que tenha que esquezer algumha molécula, eo "move-la" do seu consciente cara a sua memoria, e isto dissipara informaçom e aumentará a Entropia.

Assim o Demo de Maxwell é quem de romper a Segunda Lei, de facto diminuir a entropia, de jeito local, mais se contamos com todo o universo esta segue-se a cumprir. Este dianho é o que em Física chamamos "Umha Estrutura Disipativa", umha "máquina" que emprega muita energia para manter o order (diminuir a entropia) num pequeno espaço. A suba total desta é muito maior que a que se despraça fora da estructura, desordenando mais do que arromba. Na natureza há muitos exemplos destas estructuras: as bombas de ions das nossas neuronas, que empregam muita energia para manteres os potenciais químicos que permitem transmitires as sinais eletricas som o caso mais claro. Ou quando arrombamos o quarto suamos e emitimos calor, trabalhamos coma demos de Maxwell. A Vida é umha gran estrutura disipativa, "Um cristal anisotropo alimentado por negantropia" como dizia Schrödinger , no seu livro What is live?: Gastamos energia para manter um pequeno orde no nosso interior, viver, aumentando a entropia do resto do universo. Os demos nas nossas mitocondrias, nos nossos pulmons, na nossa pele... trabalham a reo, luitando umha guerra perdida contra o Segundo Principio. Um dia os nossos demos interiores cansam, ou nom som quem de manter a entropia fora e a estructura derruba-se sem remedio... e morremos.

Assim que já sabedes, coidade do demo que levades dentro!

Sete anos

2006-02-09T15:07:00.000Z

No seu dia figerom-me chorar dous pequenos, ao querer saber o porquê do mar negro em Malpica. Hoje esses dous tesouros, Ines e Iago, fam sete anos.

:)

Mécanique céleste...

2006-02-09T00:42:00.001Z

"Je n'ai pas eu besoin de cette hypothèse"
-Pierre-Simon de Laplace

Corsarios de novo ao ataque...

2006-02-08T13:35:00.000Z

Filhos dum cam, cabrons, ladrons, gansteres, mafiosos, langrans, paponatos, mentirerios, corsarios, farsantes, roubons, sodes um puto cancro para a musica, só sabedes estorquir aos verdadeiros músicos, ogalha a gente se decate da enfermidade que sodes para a arte.

Agora amedontrades com denunciar a aqueles que dim as verdades sobre vós, pois podede-vos meter as vossas ameaças por onde pensades, e dizer, polo cú.

Nom é Marlon Brando, pero bem lhe vale...

2006-02-07T18:42:00.002Z

...Nananianonananianonanana...
(Banda sonora de "The Godfather")

Este homem tem-vos cara de conspirador??

2006-02-07T16:07:00.000Z

Topei com outro dos melhores relatos de Asimov na rede na nossa lingoa. A página original desapareceu e só fica no cache de google. Mais fedelhando pola Rede na sua busqueda atopei umha teoria flipante (já desmontada na propia página) que nom conhecia... A gente tem tempo de mais!!

Seica nos EUA há quem cre serio neste tipo de cousas. A verdade é que eu esgalhei co riso. Olhade algumha das páginas que ligam no artigo de arriba... O_o

Como dizia Asimov pola boca de Salvor Hardin:
"A violência é o último refúgio dos incompetentes"

(O exame? É termo, Que lhe queredes? Conformo com passar...)
(O pescoço? Muito melhor... cheiro a Reflex a vinte pasos...)

Sol-pôr

2006-02-06T14:39:00.000Z

Coa dor de pescoço e de costas que tenho (E agarda-me um mês mais de estudo! E manha nom podo ir a Tai-Chi-Chuan... desta rompo!) nom dou colhido o sono ate as quatro. Leio um chisco,penso, escoito a radio, dou voltas e mais voltas, pero nom durmo. Onte re-lim um dos melhores contos da Ci-Fi, por muitos considerado o melhor dos escritos, "Nightfall" ("Sol-pôr") de Isaac Asimov.
Sorprendentemente lembrou-me muito a todo o que acontece nestes dias. Empatiço muito com aqueles astronomos dum mundo perdido que fam esforços por comprenderes o universo, mentres os demais som arrastrados polo fanatismo...

(Nota: Viva a nai que pariu ao inventor do Reflex... )

Os gansters ao ataque...

2006-02-05T18:32:00.000Z

Os nossos mafiosos favoritos voltam às suas teimas de sempre. Hoje é a noticia mais comentada em todo o mundo blog castelam: A SGAE demandou à Frikipedia (versom em paródia da Wikipedia) pola brincadeira que faciam coa sigla dessa caterva de ladrons. Alguns dos artigos dessa wiki de humor estam agora recolhidas na versom original , a Uncyclopedia, junto da referência à propria SGAE.

Já abonda do extorso da SGAE! Nom lhes chega com roubarnos cada dia co seu canom, ou arrogarse em autoridade moral, ou de mentirnos fazendo crer a gente que nom pode exercer os seu direitos. Solidariedade coa Frikipedia!

Algumhas propostas de acçom:
*Recolho de Torta de Mazas (Enterei-me por ele...) a imagem em galego da campanha.
*Umha proposta de "Google Bombing" semelhante à de "ladrones". Desta volta coa expressom: Siempre Ganamos Algunos Euros..
*Umha sentada virtual contra a pagina da SGAE
*O rapaz que leva a Frikipedia, e que agora tem que afrontar umha demanda da SGAE pide dinheiro para elo.
*Outra cousa que podedes fazer é escrever ao vosso "deputado" nas cortes do Imperio Pequeno, protestanto polo tema.

SGAE, LADRONS!
(E sem querer ofender aos ladrons que tenhem que fazelo por necessidade. Estes langrans fam-no só para ter ainda mais quartos)

_____*Actualizaçom*______

*A SGAE considera a palavra "Linux" ofensiva e a inclue no filtro da sua web.